Enda ku bidi'mo

Enda ku ntwelelo ya bubidi

Enda ku kifunka

Batumoni ba Yehova

Kiluba

Dibuku Dyami dya Mānga ya mu Bible

Mānga ya 115: Paladisa Impya Pano pa Ntanda

Mānga ya 115: Paladisa Impya Pano pa Ntanda

TALA yoi mityi milampe, maluba mayampe ne ngulu milamila. Mwene pano i payampe? Tala mudila kasha mu kuboko kwa mwanuke. Kadi tala bantambo ne bampunda bemene mu lumenya lwa biyombo kokwa. Lelo kusakilepo kushikata mu njibo wikele pa kifuko kidi bwa kino?

Leza ukusakilanga kwikala nyeke pano pa ntanda mu paladisa. Kasakilepo wikale mu misongo ne mu masusu adi na bantu dyalelo. Mulao wa Bible pa mwanda utala bantu bakekala mu paladisa i uno: ‘Leza ukekalanga nabo. Kadi kekukekalapo lufu nansha kudila nansha masusu mene. Bintu bibajinji bibapu.’

Bine, Yesu ukata mutyima wa kwalamuna bino bintu mu muswelo utulumukwa. Lelo uyukile i kitatyi’ka? Eyo, i kupwa kutalula bibi byonso ne bantu babi bonso. Vuluka, pādi Yesu pano pa ntanda wābelwile bantu ba misongo yonso, kadi wāsangwile ne bafwe. Yesu wālongele bino bintu mwanda wa kulombola byakalonga pano pa ntanda ponso pakekala Mulopwe wa bulopwe bwa Leza.

Langa’po bidi mukaneñenena paladisa impya pano pa ntanda! Yesu ne boba batongele, bakaludikilanga mūlu. Bano baludiki bakatanga mutyima ku muntu yense pano pa ntanda ne kutala shi udi na nsangaji. Tutalei kyotufwaninwe kulonga shi tusaka Leza aketupe būmi bwa nyeke mu yandi paladisa impya.

Kusokwelwa 21:3, 4; 5:9, 10; 14:1-3.

Kifwatulo kya paladisa


Bipangujo

  • I ngikadilo’ka ilombola Bible amba yo ikekala’ko pano pa ntanda mu Paladisa?
  • Bible i mulaye mulao’ka ku boba bakekala mu Paladisa?
  • Yesu ukata namani mutyima ku kushinta bintu byonso bya kutendelwa?
  • Pādi Yesu pano pa ntanda, le wālongele bika mwanda wa kulombola amba i Mulopwe wa Bulopwe bwa Leza?
  • Yesu ne boba bakaludika nandi mūlu, bakata mutyima ku bika pobakabikala ntanda abo momwa mūlu?

Bipangujo bikwabo

  • Tanga Kusokwelwa 5:9, 10.

    Mwanda waka tukulupile amba boba bakabikala ntanda mu bula bwa Myaka Kanunu bakekala balopwe ne babitobo ba lusa ne betulangila? (Ef. 4:20-24; 1 Pet. 1:7; 3:8; 5:6-10)

  • Tanga Kusokwelwa 14:1-3.

    Kulembwa kulembelwe dijina dya Tata ne dijina dya Kana ka Mukōko pa mapala a ba 144000 kudi na buluji’ka? (1 Kod. 3:23; 2 Tem. 2:19; Kus. 3:12)