Enda ku bidi'mo

Enda ku ntwelelo ya bubidi

Enda ku kifunka

Batumoni ba Yehova

Kiluba

Dibuku Dyami dya Mānga ya mu Bible

Kipindi 7: Lusangukilo lwa Yesu Kutūla ku Kukutwa kwa Polo

Kipindi 7: Lusangukilo lwa Yesu Kutūla ku Kukutwa kwa Polo

Yesu wāsangukile mu difuku dya busatu kupwa kwa lufu lwandi. Mu dine difuku’dyo, wāmwekēle balondi bandi misunsa itano mituntulu. Yesu wēbamwekela umbula bwa mafuku 40. Kupwa Yesu wākanda mūlu, papo bandi bana ba bwanga bamobamo babandila. Papita mafuku dikumi, Leza wāpungulwila mushipiditu sandu pa balondi ba Yesu bādi bakunga mu Yelusalema.

Kupwa balwana na Leza bāeleja batumibwa mu kifungo, ino mwikeulu wēbalupula’mo. Mwanā bwanga Shitevani wāipaibwa na kwaswa mabwe na bakinkwa nandi. Ebiya tukafunda muswelo wātongele Yesu kinkwa umo ekale mwingidi wandi wa pa bula, wāikala ke mutumibwa Polo. Penepo, myaka isatu ne kipindi kupwa kwa lufu lwa Yesu, Leza wātuma mutumibwa Petelo akasapwile Konilusa wakubulwa kwikala Muyuda ne kisaka kyandi.

Kupwa kubwipi kwa myaka 13, Polo wāshilula lwendo lwandi lubajinji lwa busapudi. Mu lwendo lwa bubidi, Polo wāenda na Temote. Tusa kufunda mwāikadile Polo ne bendi nandi na bitatyi bivule bilumbuluke mu mwingilo wa Leza. Ku mfulo, Polo wāelwa mu kifungo mu Loma. Kupwa myaka ibidi bāmulupula, kadi bāmwela’mo monka ne kumwipaididila. Myanda idi mu KIPINDI 7 yālongekele umbula bwa kubwipi kwa myaka 32.

Solo wasabwe meso na mikejima