Enda ku bidi'mo

Enda ku ntwelelo ya bubidi

Enda ku kifunka

Batumoni ba Yehova

Kiluba

Dibuku Dyami dya Mānga ya mu Bible

Mānga ya 84: Mwikeulu Wapempula Madia

Mānga ya 84: Mwikeulu Wapempula Madia

UNO mwana-mukaji mupopoke i Madia. I Mwine Isalela wikalanga mu kibundi kya Nazala. Leza uyukile’mba i muntu mulumbuluke. O mwanda watume mwikeulu Ngabudyele esambe nandi. Uyukile byaiya kusapula Ngabudyele kudi Madia? Tutalei.

UNO mwana-mukaji mupopoke i Madia. I Mwine Isalela wikalanga mu kibundi kya Nazala. Leza uyukile’mba i muntu mulumbuluke. O mwanda watume mwikeulu Ngabudyele esambe nandi. Uyukile byaiya kusapula Ngabudyele kudi Madia? Tutalei.

Madia

Wamunena’mba: ‘Kokikwatwa moyo, Madia. Yehova wakutōkelwa bininge. O mwanda ukakulongela kintu kya kutendelwa. Pano ukabutula mwana. Kadi ukamwinika bu Yesu.’

Kadi Ngabudyele wabweja’ko’mba: ‘Uno mwana ukekalanga mukatampe, uketwa bu Mwanā Leza wa Mūlu Mwine. Yehova ukamubikikanga’nka na mwādi mwikadile Davida. Ino Yesu ukekala mulopwe nyeke, kadi bulopwe bwandi kebukafulepo!’

Madia waipangula’mba: ‘Lelo bino bikabwanika namani? Nami nkyasongelwe. Le nkabutula mwana namani ami kushikata na mwana-mulume mpika?’

Ngabudyele walondolola’mba: ‘Bukomo bwa Leza budi podi. O mwanda mwana ukatelwa bu Mwanā Leza.’ Kupwa wanena Madia’mba: ‘Vuluka mwanenu Edisabeta. Bantu badi banena’mba kakibutulapo mwanda wanunupa. Ino pano usa kubutula mwana mwana-mulume. Mwanda i kutupu kintu kikomena Leza kulonga.’

Ponka’po Madia wanena’mba: ‘Ne umpika mwana-mukaji wa Yehova! Nanshi bilongeke’nka mowanenena.’ Kupwa mwikeulu wamushiye.

Madia wapeja kukapempula Edisabeta. Edisabeta pa kwivwana diwi dya Madia, kana kadi munda mwandi kabatomboka nsangaji. Penepo Edisabeta wayulwa mushipiditu wa Leza kanena Madia’mba: ‘Wimweselwe bikata mu bana-bakaji.’ Madia washikata na Edisabeta kubwipi kwa myeji isatu, kupwa wajokela ku Nazala.

Pano Madia kasa kutundailwa na Yosefa. Ino Yosefa kapele kutundaila Madia mwanda kadi na dimi. Kupwa mwikeulu wa Leza wamunena’mba: ‘Kokityina kutundaila Madia. Mwanda mwana waimite i wa kwa Leza.’ Penepo Madia ne Yosefa abetundaila, kebelaija kubutulwa kwa Yesu.

Luka 1:26-56, Mateo 1:18-25.



Bipangujo

  • Mwana-mukaji udi pa kifwatulo i ani?
  • Ngabudyele walombola Madia bika?
  • Ngabudyele washintulwila Madia namani amba usa kubutula mwana nansha byakashikete na mwana-mulume?
  • I bika byalongeka Madia pa kupempula Edisabeta?
  • Yosefa walanga kulonga bika pa kuyuka amba Madia usa kubutula mwana, ino mwanda waka washinta milangwe yandi?

Bipangujo bikwabo

  • Tanga Luka 1:26-56.

    Luka 1:35 ulombola bika pa mwanda utala kubulwa kubwaninina kwa Adama pa ndá ya Madia kitatyi kyātundulwidilwe’mo būmi bwa Mwanā Leza kutamba mu bīkalo bya mūlu? (Hak. 2:11-13; Yoa. 6:69; Bah. 7:26; 10:5)

    Yesu wālēmekelwe namani ne kumeso kwa kubutulwa kwine? (Luka 1:41-43)

    I kimfwa’ka kiyampe kyāikele Madia kushila Bene Kidishitu ba dyalelo bapebwa madyese a pa bula a mingilo? (Luka 1:38, 46-49; 17:10; Nk. 11:2)

  • Tanga Mateo 1:18-25.

    Nansha Yesu byakāityilwepo pa dijina dya bu Emanyuela, ino mwingilo waāingile wāfikidije namani buluji bwadyo? (Mat. 1:22, 23; Yoa. 14:8-10; Bah. 1:1-3)