Enda ku bidi'mo

Batumoni ba Yehova

Tonga Ludimi Kiluba

Le Bantu Bafwe Babwanya Bine Kwikala Monka Bōmi?

Le Bantu Bafwe Babwanya Bine Kwikala Monka Bōmi?

Le ukanena’po namani . . .

  • eyo?

  • mhm?

  • padi?

 BIBLE UNENA’MBA

“Kusanguka kwa bafu kudiko.”Bilongwa 24:15Mukanda Ukola.

BYOKAMWENA’MO

Kusengibwa kitatyi kifwa bantu bosenswe.2 Kodinda 1:3, 4.

Kukūlwa ku moyo wa bituputupu wa kutyina bafwe.Bahebelu 2:15.

Lukulupilo lwa binebine lwa kwimona monka na baswe bobe bafwile.Yoano 5:28, 29.

 LE TUBWANYA BINE KUKULUPILA BYOBYA BINENA BIBLE?

I amo, tala bidi bubinga busatu:

  • Leza ye wāpangile būmi. Bible utela Yehova Leza bu “nsulo ya būmi.” (Mitōto 36:9; Bilongwa 17:24, 25) Yewa wāpele bipangwa byonso būmi, ubwanya bine kujokejeja muntu ufwile būmi.

  • Leza wāsangwile bantu pa kala. Bible utela bimfwa bya bantu mwānda—banuke, bakulu, bana-balume ne bana-bakaji—bāsangwilwe pano pa ntanda. Bamo bāfwile papita’tu kitatyi kityetye, ino umo nandi wālele mu kibundu mafuku aná!Yoano 11:39-44.

  • Leza uloelelwe kusangula bantu monka. Yehova ushikilwe lufu; wilumwene bu walwana. (1 Kodinda 15:26) ‘Uloelelwe’ kunekenya uno walwana, ne kufundula’ko lufu kupityila ku lusangukilo. Udi na mēlu a kujokeja boba badi mu luté lwandi ku būmi ne kwibamona monka bekele pano pa ntanda.Yoba 14:14, 15.

 LANGULUKA’PO BIDI

Mwanda waka tununupanga ne kufwa?

Bible ulondolola kino kipangujo mu NGALWILO 3:17-19 ne LOMA 5:12.