Enda ku bidi'mo

Enda ku kifunka

Batumoni ba Yehova

Tonga Ludimi Kiluba

 BŪMI BWA BENE KIDISHITU

Tulumbululei Manwa Etu mu Mwingilo—Na Kukwasha Befundi ba Bible Bafikile pa Kwipāna ne Kubatyijibwa

Tulumbululei Manwa Etu mu Mwingilo—Na Kukwasha Befundi ba Bible Bafikile pa Kwipāna ne Kubatyijibwa

KYOKWIKADILE NA MVUBU: Pa kusaka’mba befundi ba Bible betabijibwe na Yehova bafwaninwe kupāna būmi bwabo kwadi ne kubatyijibwa. (1Pe 3:21) Boba bakeendeja mungya kwipāna kwabo bobakakingwa ku mushipiditu. (Ñi 91:1, 2) Kwipāna kwa bwine Kidishitu kwipānwanga kudi Yehova—kekwipānwangapo kudi muntu, ku mwingilo nansha ku bulongolodi. O mwanda, befundi bafwaninwe kusanswa Leza ne kwikala na mutyima wa kumufwija’ko.Lo 14:7, 8.

MWA KWIKULONGELA:

  • Kitatyi kyomwifunda, mulombole myanda’ya moisokwela bintu kampanda padi Yehova. Mukankamike atange Bible difuku ne difuku ne kulombela kudi Yehova “kitatyi kyonso.”1Ts 5:17; Yak 4:8

  • Kankamika mwifundi nobe etungile bitungo bya ku mushipiditu bya kwipāna ne kubatyijibwa. Kadi, mukwashe afikile pa bitungo bimukwasha afikile pa bitungo bikwabo, kimfwa kulondolola ku kupwila nansha kusapwila balunda nandi ne bakwabo ba ku masomo. Vuluka’mba Yehova kaningilangapo muntu nansha umo amwingidile. Kwipāna i butyibi bwa muntu mwine.Kup 30:19, 20

  • Kwasha mwifundi nobe alonge bukomo bwa kushinta mwanda wa kusangaja Yehova ne kubwanya bisakibwa bya kubatyijibwa. (Nki 27:11) Befundi ba Bible basakilwanga kukwashibwa kyaba ne kyaba pa kusaka kuvūla bumuntu bwa kala ne kuvwala bumuntu bupya, mwanda wa ngikadilo ne bilongwa bimo bibwanya kwala miji. (Ef 4:22-24) Mwisambilei nandi pa bishinte bya mu Kiteba kya Mulami binena’mba “Bible Ushintanga Būmi”

  • Musekunwine nsangaji yowimwenine poingidila Yehova.Isa 48:17, 18