Enda ku bidi'mo

Enda ku kifunka

Batumoni ba Yehova

Tonga Ludimi Kiluba

 BŪMI BWA BENE KIDISHITU

“Leza I Mukwashi Wami”

“Leza I Mukwashi Wami”

Ñimbo ya Mitōto 52-59 ilombola mwēivwanine Davida mu bitatyi byaādi mu makambakano mavule mu būmi bwandi. Ino, wākulupile’nka mudi Yehova ne mu bino bitatyi bya byamalwa mwine. (Ñi 54:4; 55:22) Kadi wātumbije Yehova pa mwanda wa kinenwa kyandi. (Ñi 56:10) Le netu tutamijanga lwitabijo na lwandi ne kukulupila mudi Leza wetu? Le twitabijanga Kinenwa kyandi kituludike potwikonda na makambakano? (Nki 2:6) Le i mavese’ka a mu Bible akukweshe kitatyi kyowadi . . .

  • mutyumukwe mutyima nansha mupungile?

  • ubela?

  • mutapwe ku mutyima na bakwabo?

  • upangwapangwa?