Enda ku bidi'mo

Enda ku kifunka

Batumoni ba Yehova

Tonga Ludimi Kiluba

 BŪMI BWA BENE KIDISHITU

Tulumbululei Manwa Etu mu Mwingilo—Na Kutenga Mutyima wa Mwifundi na Dibuku “Mwilamei mu Buswe bwa Leza”

Tulumbululei Manwa Etu mu Mwingilo—Na Kutenga Mutyima wa Mwifundi na Dibuku “Mwilamei mu Buswe bwa Leza”

KYOKWIKADILE NA MVUBU: Bantu bafwaninwe kwifunda misoñanya ya Yehova ne kwiendeja mungya ayo mwa kumutōtela mwasakila. (Isa 2:3, 4) Dibuku “Buswe bwa Leza”, i dibuku dyetu dya bubidi dya kwifunda, dikwashanga befundi ba Bible bajingulule mwa kwingidijija misoñanya ya Leza mu būmi bwabo bwa difuku ne difuku. (Bah 5:14)Tufwaninwe kulonga bukomo bwa kutenga mutyima potwibafundija mwanda wa abo bene balonge bukomo bwa kushinta.Lo 6:17.

MWA KULONGELA:

  • Witeakanye senene, koku utele mutyima ku bisakibwa bya mwifundi nobe. Teakanya bipangujo biloba tudi mu kanwa bikakukwasha uyuke mweivwanina ne mwalangila pa myanda’ya.Nki 20:5; be p. 259

  • Ingidija tupango tudi mu dibuku pa kukwasha mwifundi nobe amone mvubu ya kwingidija misoñanya ya mu Bible

  • Kwasha mwifundi nobe alangulukile pa myanda itala mutyima wa mundamunda ino, kokikwata butyibi pa kyandi kyaba.Ngt 6:5

  • Jingulula na bunwa shi mwifundi nobe usakilwa bukwashi pa kwingidija misoñanya kampanda ya mu Bible. Mukankamike na butūkanye ashinte mwanda wa buswe bwasenswe Yehova.Nki 27:11; Yoa 14:31