Enda ku bidi'mo

Enda ku kifunka

Batumoni ba Yehova

Tonga Ludimi Kiluba

 BŪMI BWA BENE KIDISHITU

Yesu Wāfwidile ne Mwanenu Nandi

Yesu Wāfwidile ne Mwanenu Nandi

Yesu wāpēne būmi bwandi pa mwanda wa bantu bakubulwa kubwaninina. (Lo 5:8) Ne kutatana kwine mpika, umo ne umo usangelanga buswe bwētulombwele Yesu na kupāna būmi bwandi pa mwanda wetu. Inoko, kitatyi kimo bitulombanga kuvuluka’mba Kidishitu wāfwidile ne mwanetu nandi. Le i muswelo’ka otubwanya kulombola buswe na bwa Kidishitu ku batutu ne bakaka bampikwa kubwaninina pamo bwa batwe? Na kubandaula ino miswelo isatu. Mubajinji, tuvudijei balunda kubadila’mo ne boba ba bibidiji bishile na byetu. (Lo 15:7; 2Ko 6:12, 13) Wa bubidi, tutei mutyima ku kwepuka kunena nansha kulonga bintu kampanda bibwanya kusanshija bakwabo. (Lo 14:13-15) Ne wa busatu, shi muntu wetulubila, tumulekelei bukidi bonka. (Luk 17:3, 4; 23:34) Shi twielele’ko na kwiula Yesu mu ino miswelo, Yehova ukendelela na kwesela kipwilo na ndoe ne bumo.

TALAI VIDEO IKALA MUYAMPE BININGE! KUPWA, LONDOLOLAI KU BINO BIPANGUJO:

  • Le dibajinji Miki wadi umona namani ba mu kipwilo kyabo?

  • I kika kyamulengeje ashinte mumweno wandi?

  • Kimfwa kya Yesu kyakweshe namani Miki alemunune mumweno wandi? (Mak 14:38)

  • Le i muswelo’ka ubwanya kwitukwasha Nkindi 19:11 twikale na mumweno muyampe pa bakwetu bene Kidishitu?