Enda ku bidi'mo

Enda ku kifunka

Batumoni ba Yehova

Tonga Ludimi Kiluba

 BŪMI BWA BENE KIDISHITU

Vuluka Mukajia Lota

Vuluka Mukajia Lota

Mwanda waka mukaja Lota wātadile kunyuma pobadi banyema mu Sodoma? Bible kanenenepo’po kintu. (Ngo 19:17, 26) Myanda ya kūlu ne kunshi ya kidyumu kya Yesu ilombola’mba, padi wālangile bintu byaāshile kunyuma. (Luk 17:31, 32) I muswelo’ka otukokeja kwepuka kujimija dyese dya kwitabijibwa na Leza na mwālongele mukaja Lota? Kukimba būmi buyampe kekufwaninwepo kutūlwa pa kifuko kibajinji mu bwetu būmi. (Mat 6:33) Yesu wāfundije amba ketukokejapo “kwingila bu bapika ba Leza koku kadi bapika ba Bupeta.” (Mat 6:24) Ino le bikekala namani shi tubamone amba bintu bya ku ngitu bibashilula kutyimpila panshi bintu bya ku mushipiditu mu bwetu būmi? Tulombei Yehova etukwashe tujingulule potusakilwa kushinta kadi etupe bukankamane ne bukomo bwa kushinta.

WIBAVULUJE BIPINDI BISATU BYA VIDEO VULUKAI MUKAJA LOTA, KUPWA LONDOLOLAI BINO BIPANGUJO:

  • Le mbwanya kulombola namani mu bilongwa byami amba ‘mvulukile mukaja Lota’?

    Le kuningilwa kukimba lupeto luvule kwatādīle namani mulangilo, binenwa ne bilongwa bya Gloria?

  • Le mukaja Lota i kidyumu kotudi dyalelo muswelo’ka?

  • Le kulonda misoñanya ya mu Bible kwakweshe Djo ne kyandi kisaka namani?

  • Le balunda na Ana ba ku kaji baikele na lupusa namani pa būmi bwandi bwa ku mushipiditu?

  • Mwanda waka tusakilwa bukankamane shi abetuningila tubadikije lupeto pa kifuko kibajinji mu būmi?

  • Le ba Brayene ne Gloria bajokeje namani monka bintu bya ku mushipiditu pa kifuko kibajinji?

  • Le i misoñanya’ka ya mu Bible yowamwene ingidijibwe mu ino video?