Enda ku bidi'mo

Enda ku kifunka

Batumoni ba Yehova

Tonga Ludimi Kiluba

 BŪMI BWA BENE KIDISHITU

Tonga Kwipwija Mukose na Tunangu

Tonga Kwipwija Mukose na Tunangu

Mwanda waka tufwaninwe kutonga kwipwija mukose kwetu na tunangu? Mwanda potutonga filime ya kutala, lwimbo lwa kuteja, diteba dya Entelenete pa kutwela, dibuku dya kutanga, nansha makayo a video a kukaya, tutoñanga bya kuyuja mu ñeni yetu. Butongi bwetu butādilanga mwikadilo wetu. I kya bulanda, mwanda kwipwija mukose kuvule kudi’ko dyalelo kudi na bintu bipela Yehova. (Ñi 11:5; Ngt 5:19-21) O mwanda Bible witukankamika twendelele kubandaula bintu bitumbija Yehova.​—Fid 4:8.

TALAI VIDEO LE MFWANINWE KUTONGA KWIPWIJA MUKOSE KWA MUSWELO’KA? KUPWA LONDOLOLAI KU BINO BIPANGUJO:

  • Le makayo a kwikupila a mu Loma wa kala eifwene namani na kwipwija mukose kumo kudi’ko dyalelo?

  • I muswelo’ka ubwanya bonso mu kipwilo kukwasha bankasampe batonge kwipwija mukose na tunangu?

  • Le Bene Loma 12:9 ubwanya kwitukwasha namani pa kutonga kwipwija mukose?

  • Le i kwipwija mukose kwa muswelo’ka kuyampe kudi mu kyenu kibundi?