Enda ku bidi'mo

Enda ku kifunka

Batumoni ba Yehova

Tonga Ludimi Kiluba

 BŪMI BWA BENE KIDISHITU

Le Usa Kwiteakanya Namani ku Kivulukilo?

Le Usa Kwiteakanya Namani ku Kivulukilo?

Kushilwila mu uno mwaka, tusa kwikala na kitatyi kivule kya kwiteakanya ku Kivulukilo kya lufu lwa Kidishitu. Shi Kivulukilo kibaponena mu bukata bwa yenga, nabya kekukekalapo kupwila kwa Būmi ne Mwingilo mu mwine yenga’wa. Ino shi kibaponena ku mfulo kwa yenga, nabya kekukekalapo kupwila kwa mwisambo wa bantu bonso ne kwa kifundwa kya Kiteba kya Mulami. Ubulwe’po kwingidija senene kino kitatyi kya kushilwa mu mpangiko yobe? Pamo’nka na mwālongelwe mu myaka katwa kabajinji, kufwaninwe kuteakanibwa bintu kampanda pa uno mukenga wa pa bula. (Luk 22:7-13; km 3/15 p. 1) Inoko batwe bonso tufwaninwe kuteakanya mityima yetu. Le tubwanya kwibilonga namani?

  • Langulukila pa mvubu idi mu kutanwa’ko.​—1Ko 11:23-26

  • Bandaula na mushike mu milombelo kipwano kyobe na Yehova.​—1Ko 11:27-29; 2Ko 13:5

  • Tanga ne kulangulukila pa myanda ya mu Bisonekwa isambila pa mvubu ya Kivulukilo.​—Yoa 3:16; 15:13

Basapudi bamo batañanga ne kulangulukila pa mpangiko ya butangi bwa Bible bwa Kivulukilo idi mu Tubandaulei Bisonekwa Difuku ne Difuku. Bakwabo batañanga mavese a mu Bible adi mu tabulo wa binkumenkume. Bakwabo nabo bapitulukanga mu bishinte bya Kiteba kya Mulami bisambila pa Kivulukilo ne pa buswe bwituswele ba Yehova ne Yesu. Tulomba’mba mpangiko yo-yonso ya kwifunda yo wakatonga pa ino, ikufwenye bininge kudi Yehova ne kudi wandi Mwana.