Enda ku bidi'mo

Enda ku kifunka

Batumoni ba Yehova

Tonga Ludimi Kiluba

 BŪMI BWA BENE KIDISHITU

Ubwanya Kukankamika Mwine Kidishitu Kakingilangapo

Ubwanya Kukankamika Mwine Kidishitu Kakingilangapo

Mwaka ne mwaka, bene Kidishitu bavule kebakingilangapo bayānga ku Kivulukilo. Bashilwile biyampe lubilo lwabo lwa mu būmi ino kupwa bakoka bityebitye pa mwanda wa bubinga palapala, bukwabo budi ne mu boloshile Jokela Kudi Yehova. (Bah 12:1) Ino, nansha byo kebakingilangapo bakidi balēme kumeso a Yehova, mwine webapotele na mashi a wandi Mwana. (Bil 20:28; 1Pe 1:18, 19) Le tukebakwasha namani bajokele ku kipwilo?

Bakulumpe mu kipwilo bakimbanga ne kukwasha bene Kidishitu kebakingilangapo pamo bwa mukumbi ukimba na bukankamane mukōko mupaluke mu luombe. (Luk 15:4-7) Kulonga namino kumwekejanga bulami bwa buswe bwa Yehova. (Yel 23:3, 4) Batwe bonso tubwanya kwibakankamika, ke enkapo bakulumpe. Bukomo botulonga bwa kulombola kanye ne kisanso kya bu bana na bana busangajanga Yehova kadi buletanga byabuyabuya bivule. (Nki 19:17; Bil 20:35) Shi ke pano, fwatakanya i muntu’ka obwanya kukankamika, kadi longa kino pampikwa kwija!

TALA VIDEO KANKAMIKA BOBA KEBAKINGILANGAPO, KUPWA LONDOLOLA KU BINO BIPANGUJO:

  • I bika byalongele Abbey pa wetene na Kamoni wakadipo uyukile?

  • Mwanda waka tufwaninwe kufwena bakulumpe shi ketukimbe kukakwasha muntu kakingilangapo?

  • Le Abbey weteakenye namani pa kukamona Laura musunsa wa bubidi?

  • Le Abbey walombwele namani kūminina, kitūkijetyima ne buswe paadi ukankamika Laura?

  • I ñeni’ka yotuboila ku kyelekejo kya Yesu kidi mu Luka 15:8-10?

  • I madyese’ka alupukile ku bukomo bwalongelwe pa kukwasha Laura?