Enda ku bidi'mo

Enda ku kifunka

Batumoni ba Yehova

Tonga Ludimi Kiluba

 BŪMI BWA BENE KIDISHITU

Tulumbululei Manwa Etu mu Mwingilo—Na Kwipangula Bipangujo Senene

Tulumbululei Manwa Etu mu Mwingilo—Na Kwipangula Bipangujo Senene

KYO KWIKADILE NA MVUBU: Shi “Kukala-ñeni kwa mu mutyima wa muntu i bwa mema a mushike”, nabya bipangujo bidi pamo bwa kalobelo ka kwiateka. (Nki 20:5) Bipangujo bilengejanga bevwaniki betu besambe. Malondololo alondolola bantu ku bipangujo bipangulwe biyampe, avudile kuleta milangwe ya mvubu. Yesu wādi wipangula bipangujo senene. Le tubwanya kumwiula namani?

MWA KWIPANGWILA:

  • Ipangula bipangujo biloba tudi mu kanwa. Yesu wāipangwile bipangujo mwanda wa kuyuka milangwe ya bandi bana ba bwanga. (Mat 16:13-16; be p. 238 mus. 3-5) I bipangujo’ka biloba tudi mu kanwa byokokeja kwipangula?

  • Ipangula bipangujo bikwasha muntu atane malondololo. Yesu pa kulemununa mulangilo wa Petelo, wāmwipangwile bipangujo ne kumutelela malondololo a kutonga a kumukwasha atane mulangwe wa bine. (Mat 17:24-26) Le i bipangujo’ka byokokeja kwipangula pa kukwasha muntu atane mulangwe wa bine?

  • Fwija’ko mwisambi nobe. Musonekeji ‘paālondolwele bya ñeni’, Yesu wāmufwijije’ko. (Mak 12:34) Le ubwanya kufwija namani muntu walondolola kipangujo?

TALAI KIPINDI KIBAJINJI KYA VIDEO INGILA MWINGILO WĀINGILE YESU​—KUFUNDIJA, KUPWA LONDOLOLAI BINO BIPANGUJO:

  • Mwanda waka uno mufundijijo i mubi nansha myanda byoidi ya bine?

  • Mwanda waka ketufwaninwepo enka kushintulula myanda bitupu?

TALAI KIPINDI KYA BUBIDI KYA INO VIDEO KUPWA LONDOLOLAI BINO BIPANGUJO:

  • Le i muswelo’ka waipangulanga tutu bipangujo senene?

  • Le i manwa’ka makwabo a mu bufundiji bwandi otubwanya kwiula?

Le bufundiji bwetu budi na lupusa’ka pa bakwetu? (Luk 24:32)