Enda ku bidi'mo

Enda ku kifunka

Batumoni ba Yehova

Tonga Ludimi Kiluba

 BŪMI BWA BENE KIDISHITU

Tulumbululei Manwa Etu mu Mwingilo—Na Kulonga Kujokela’mo

Tulumbululei Manwa Etu mu Mwingilo—Na Kulonga Kujokela’mo

KYOKWIKADILE NA MVUBU: Bantu bavule basepelela musapu wa Bulopwe, basakanga kuyuka bubine bwa padi Leza. (Isa 55:6) Pa kusaka’mba twibafundije senene, tufwaninwe kwibajokela kyaba ne kyaba. Bantu bekondanga na bikoleja bishileshile, o mwanda ne muswelo otutamija kusepelela kwabo nao i mwishile. Inoko, shi twiteakanya biyampe ne kwikala na kitungo kya kushilula kifundwa kya Bible potujokela muntu ne muntu, tukekala basapudi bafike’po.

MWA KULONGELA:

  • Longa bukomo bwa kumujokela bukidibukidi, kadi mu mafuku matyetye.​—Mat 13:19

  • Wilombole bu mulunda nandi ne kumulēmeka. Kokamuseleja dityima kūlu

  • Shilula na kumwimuna na nsangaji. Mwite pa dyandi dijina. Mulombole kyowajokela monka​—padi i kulondolola kipangujo, kumupa dipepala dipya, kumulombola diteba dyetu, kumutadija video nansha kumulombola mwifundilwanga Bible. Shi wasake kwisambila pa mwanda mukwabo, mwisambilei’po bidi.​—Fid 2:4

  • Sangila nkunwa ya bubine ikuninwe mu mutyima wandi na kwisambila nandi pa mulangwe wa mu Bisonekwa nansha na kumushila dibuku. (1Ko 3:6) Tompa kwiibidila nandi

  • Ala kyalwilo kya kujokela’mo kulonda’ko