Enda ku bidi'mo

Enda ku kifunka

Batumoni ba Yehova

Tonga Ludimi Kiluba

 BŪMI BWA BENE KIDISHITU

Mwa Kwikadila Mwifundi Musumininwe wa Bisonekwa

Mwa Kwikadila Mwifundi Musumininwe wa Bisonekwa

Lelo usakanga kwikala na kikōkeji mu matompo pamo bwa Danyele? Danyele wādi wifunda Kinenwa kya Leza na kusumininwa, enka ne bupolofeto bwa mushike bwine. (Dan 9:2) Kwifunda Bible na kininga kukakukwasha wikale nyeke mukōkele. Namani? Kukatamijija’ko lwitabijo lobe mu milao ya Yehova amba ikafikidila binebine. (Yos 23:14) Kadi kukakukwasha utamijije’ko buswe boswele Leza, bwine bukakutonona ulonge byoloke. (Ñi 97:10) Ino le ukashilwila pepi? Bandaula ino myanda.

  • Le nsa kwifunda bika? Mu bibidiji biyampe bya kwifunda mudi ne kuteakanya kupwila. Ukamwena bininge mu butangi bwa Bible bwa yenga ne yenga shi witūdila’ko kitatyi kya kukimba myanda yokwivwanijepo. Kadi, bamo i batonge kwifunda bininge bupolofeto bwa mu Bible, myanda palapala ya kipa kya mushipiditu wa Leza, ñendo ya mutumibwa polo ya bu mishonele, nansha ke bupangi bwa Yehova bumweka na meso. Shi ubavuluka mwanda kampanda wa mu Bible mu bula bwa difuku, lemba’o ne kutūla’o ku mpangiko yobe ya kifundwa kilonda’ko.

  • Le nsa kutana myanda kwepi? Pa kutana bingidilwa bimo, tala video Bingidilwa bya Kukimba Nabyo Byabulēme bya ku Mushipiditu. Pa kutompa bwino bobe, kimba nshintulwilo ya imbikalo ya ntanda yelekejibwe na binyema bya mu Danyele shapita 7.

  • Le nsa kwifunda mu bitatyi binga? Kwifunda kyaba ne kyaba kulumbululanga būmi bwa ku mushipiditu. Mo wakamwena, ubwanya kushilula na kwifunda mu kitatyi kityetye, ebiya bityebitye kowifunde mu kitatyi kilampe. Kwifunda Kinenwa kya Leza kudi pamo bwa kukola byabulēme bifibwe, poenda usokwela’ko byabulēme, kukola nako kwenda kukutobela’ko! (Nki 2:3-6) Kwabila koabilanga Kinenwa kya Leza kukatamina’ko bininge, kadi ukekala na kibidiji kya kwifunda Bible kitatyi ne kitatyi.​—1Pe 2:2.

LE BINYEMA BYA MU DANYELE SHAPITA 7 BYELEKEJA BIKA?

KIPANGUJO KIKWABO:

Le Danyele 7:8, 24 wāfikidile muswelo’ka?

KIFUNDWA KILONDA’KO:

Le binyema bya mu Kusokwelwa shapita 13 byelekeja bika?