Enda ku bidi'mo

Enda ku kifunka

Batumoni ba Yehova

Tonga Ludimi Kiluba

 KIPANGUJO 2

I Muswelo’ka Obwanya Kuyuka Leza?

“Uno mukanda wa Bijila keufwaninwepo kutaluka mu kyakanwa kyobe, ufwaninwe kwiutanga na diwi ditūke dyuba ne bufuku mwanda wa kulama senene byonso bilembelwe’mo; nabya ukanekenya dishinda dyobe ne kadi ukalonga bintu na tunangu.”

Yoshua 1:8

“Baendelela kutanga mukanda na diwi ditunduke, Bijila bya Leza wa bine, bashintulula’o biyampe ne kulombola buluji bwao; penepo bakwasha bantu bevwanije byadi bitangwa.”

Nehemia 8:8

“Wa nsangaji i yewa kanangilapo mwendele madingi a babi . . . , ino aye uloelelwe bijila bya Yehova, kadi utañanga bijila bya Leza na diwi ditūke dyuba ne bufuku. . . . Kadi bintu byonso byalonga bikendeka.”

Ñimbo ya Mitōto 1:1-3

“Fidipa wanyemena’ko kaenda widikunkuja, wamwivwana utanga na diwi ditunduke mukanda wa Isaya, mupolofeto, wamwipangula’mba: ‘Le bine uyukile byotanga’byo?’ Nandi walondolola’mba: ‘Lelo binebine ndyuka’byo namani shi kekudipo muntu wa kunombola?’”

Bilongwa 8:30, 31

 “Ngikadila yandi yampikwa kumweka i mimweke patōka tamba ku kupangwa kwa ino ntanda, mwanda i mimwekelele mu bintu byalongele, enka ne bukomo bwa nyeke ne Buleza bwandi, o mwanda kebadipo mwa kwikañenya.”

Loma 1:20

“Langa bininge bino bintu; wielelele monka, amba bantu bonso bamone patōkelela kwendelela koendelela.”

1 Temote 4:15

“Twitei mityima batwe bene na bene mwanda wa kwikankamikila ku buswe ne ku mingilo milumbuluke, ne kuleka’byo kwibungila pamo kwetu mpika.”

Bahebelu 10:24, 25

“Shi momudi’mo mudi umo ubudilwe tunangu, nankyo alombe’to nyeke kudi Leza, mwanda aye upanga bonso na mutyima tō pampikwa kutopeka, nato tukamupebwa.”

Yakoba 1:5