Enda ku bidi'mo

Enda ku kifunka

Batumoni ba Yehova

Tonga Ludimi Kiluba

 KIPANGUJO 6

Le Bible Wālaile Bika Padi Meshiasa?

BUPOLOFETO

“Ne abewa, a Betelema Efalata, . . . mudi abe mukatamba yewa wa kungikadila bu mulopwe mu Isalela.”

Mika 5:2

KUFIKIDILA

“Yesu pa kupwa kubutulwa mu Betelema wa mu Yudea mu mafuku a Mulopwe Heloda, babuka na ñenyenye batambile Kutunduka baiya ku Yelusalema.”

Mateo 2:1

BUPOLOFETO

Abeabila bivwalwa byami, kadi abate bisandi byami bubale.”

Ñimbo ya Mitōto 22:18

KUFIKIDILA

“Basola pa kupwa kupopa Yesu ku mutyi, bayata bivwalwa byandi bya pangala baabanya’byo paná . . . Inoko kivwalwa kya munda kyadi kyampikwa musono, kisuke kyonso tamba kūlu kufika ne kunshi. Penepo kebenena abo bene na bene amba: ‘Ketwakisanai’kyo, twikitei bubale tuyuke shi kikekala kya ani.’”

Yoano 19:23, 24

 BUPOLOFETO

“Ulamanga mikupa yandi yonso; i kutupu nansha umo utyumunwa.”

Ñimbo ya Mitōto 34:20

KUFIKIDILA

“Abo pa kwiya kudi Yesu, bamona’mba ke mufwe kala, penepo baleka kumutyumuna maulu.”

Yoano 19:33

BUPOLOFETO

“Wasabakanibwe pa mwanda wa kujilula kwetu.”

Isaya 53:5

KUFIKIDILA

“Sola umo wamutapa mukobe mu mpamvu, ponka na ponka mwatamba mashi ne mema.”

Yoano 19:34

BUPOLOFETO

“Bafuta mfutwa yami, bibese 30 bya ndalama.”

Zekadia 11:12, 13

KUFIKIDILA

“Penepo umo wa mu Ba Dikumi ne Babidi, witwa bu Yudasa Isakadiota, waenda kudi babitobo bakulu kanena’mba: ‘Le musa kumpa bika mwabe komudi?’ Beivwanika nandi bibese 30 bya ndalama.”

Mateo 26:14, 15; 27:5