Zekadia 9:1-17

  • Butyibi bwa Leza pa mizo ya pabwipi (1-8)

  • Kwiya kwa mulopwe wa Ziona (9, 10)

    • Mulopwe mwityepeje ukandile pa mpunda (9)

  • Bantu ba Yehova bakanyongololwa (11-17)

9  Musapu: “Kinenwa kya Yehova kidi pa ntanda ya Hadelake,Kadi Damakasa i kitōndo* kyakyo+—Mwanda diso dya Yehova didi pa bantu+Ne pa bisaka byonso bya Isalela—   Ne ya Hamata,+ mukalañano wandi,Ne ya Tyila+ ne Shidona+ mwanda i ba tunangu bininge.+   Tyila weubakile dibunda.* Waungwija ndalama pamo bwa luvumbiNe olo pamo bwa busala bwa mu bipito.+   Tala! Yehova ukatalula bintu byandi,Kadi ukamwipaila kibumbo kyandi kya divita mu dijiba;*+Kadi ukalotejibwa mu mudilo.+   Ashekelona ukekimona ne kukwatwa moyo;Ngaza ukamona malwa makatampe,Ne Ekalone mwine, mwanda lukulupilo lwandi lubafwijibwa bumvu. Mulopwe ukafwa mu Ngaza,Mu Ashekelona namo kemukekalwapo.+   Mwana wa kamabula ukashikata mu Ashedoda,Nami nkatalula mitatulo ya mwine Fidishitia.+   Nkatalula bintu biyule mashi ku kyakanwa kyandiNe bintu bya mukenye mu meno andi,Nandi ukashala’ko pa mwanda wa Leza wetu;Kadi ukekala pamo bwa mfumu* mu Yuda,+Ekalone nandi pamo bwa mwine Yebushi.+   Nkatūdila njibo yami+ nkambi pamo bwa mulami,*Amba kuleke kwikala muntu nansha umo upityila’mo nansha ujokela’mo;Kadi i kutupu mwendeji wa mingilo* nansha umo ukapityila’mo monka,+Mwanda pano nekimone* na meso ami.   A mwanā Ziona mwana-mukaji, sangala bininge. A mwanā Yelusalema mwana-mukaji, tūta kyungwe kya bushindañani. Tala! Mulopwe obe yao wiya kodi.+ Aye i moloke, uleta lupandilo,*Mwityepeje+ kadi ukandile pa mpunda,Pa kyana kya mpunda,* kyana kya mpunda mukaji.+ 10  Nkatalula dikalo dya divita ku EfelaimiNe kabalwe ku Yelusalema. Buta bwa miketo bwa bulwi bukatalulwa’ko. Kadi aye ukasapula ndoe ku mizo;+Bulopwe bwandi bukatamba ku dijiba kutūla ku dijibaNe tamba ku Munonga* kutūla ne ku mafulo a ntanda.+ 11  Ino abe, a mwana-mukaji, na mashi a kipwano kyobe,Nkatambija bakutwa bobe mu kīna kyampikwa mema.+ 12  Jokelai ku kifuko kikomejibwe, banwe bakutwa badi na lukulupilo.+ Nakusapwila dyalelo dino’di amba,‘A mwana-mukaji, nsa kukulubwila pabidi.+ 13  Mwanda nkakana* Yuda pamo bwa buta bwami bwa miketo. Nkadinga buta bwa miketo na Efelaimi,*Kadi nkalangula bobe bana, abe Ziona,Balwe na bobe bana, abe Ngidiki,Kadi nkakwalamuna pamo bwa kipete kya muntu wa bulwi.’ 14  Yehova ukamweka peulu pabo,Kadi muketo wandi ukatamba pamo bwa dipeni. Mfumu Mwinē Lupusa Lonso Yehova ukavumija lusengo,+Kadi ukenda kumeso na kimpumpu kya luvula lwa kunshi. 15  Yehova wa bibumbo ukebalwila,Nabo bakabokota ne kunekenya mabwe a topito.+ Bakatoma ne kubila, pamo bwa abo batome vinyu;Kadi bakayula pamo bwa lweso,Pamo bwa mafinko a kisōkelo.+ 16  Yehova Leza wabo ukebapandija mu dyodya difukuPamo bwa luombe lwa bantu bandi;+Mwanda bakekala pamo bwa mabwe a bupeta a kilukwa* akelema pa nshi yandi.+ 17  Mwanda buyampe bwandi i bukatampe’po kashā,+Kadi buya bwandi i bukatampe’po kashā! Miseke ikekadija bansongwalume biyampe,Vinyu mipya nayo bajike.”+

Kunshi kwa Dyani

Kishima pa kishima i, “kifuko kya kukōkolokwa.”
Nansha’mba “nsakwa.”
Bibwanika padi i, “pa dijiba.”
Nansha’mba “sheke.”
Nansha’mba “sola wa kumeso.”
Nansha’mba “umwesha ba malwa.”
Mobimwekela i, malwa a bantu bandi.
Nansha’mba “kadi munekenye; kadi mupandijibwe.”
Nansha’mba “mpunda mulume.”
Ko kunena’mba, Ufalete.
Kishima pa kishima i, “nkatonta.”
Ko kunena’mba, pamo bwa muketo.
Nansha’mba “nkaka.”