Zekadia 14:1-21

  • Mutōtelo wa bine ubanekenya ne pa mfulo (1-21)

    • Lūlu lwa Impafu lukaladika pabidi (4)

    • Yehova ukekala umo, dijina dyandi nadyo dimo (9)

    • Balwana na Yelusalema abakupilwa nsonde (12-15)

    • Kusoba Masobo a Bitanda (16-19)

    • Kisuku kyonso kikekala kijila kudi Yehova (20, 21)

14  “Tala! Difuku dīyanga, difuku dya Yehova, dikabanibwa kitūtwa kyobe* mu bukata mobe.  Nkakongakanya mizo yonso itambe Yelusalema divita; kadi kibundi kikakwatwa, mobo nao akatūtwa, bana-bakaji nabo bakebalāla ku bukomo. Kadi kipindi kya kibundi kikenda mu bu misungi, ino bantu bakashala’ko kebakatyibwe’kopo mu kibundi.  “Yehova ukatamba ne kulwa divita na ino mizo+ enka na aye ulwa mu difuku dya bulwi.+  Mu dyodya difuku, binyantyilo byandi bikemana pa Lūlu lwa Impafu,+ lutadidile Yelusalema kutunduka; Lūlu lwa Impafu lukaladika pabidi, tamba kutunduka* kutūla kushika,* ne kulala musanza mukatampe bininge; kadi kipindi kimo kya lūlu kikenda kungala, kipindi kikwabo nakyo kunshi.  Mukanyemena ku musanza wa ngulu yami, mwanda musanza wa ngulu ukabaya kufika ne ku Azela. Mukanyema, monka momwanyemene kutenkana kwa ntanda mu mafuku a Uzia mulopwe wa Yuda.+ Yehova Leza wami ukāya, kadi bajila bonso bakekala nandi.+  “Mu dyodya difuku kekukekalapo kitōkeji kya bulēme+—bintu bikekwata.*  Kadi kukekala difuku dimo diyukene bu dya Yehova.+ Kekukekalapo dyuba, nansha bufuku bwine; kadi kyolwa kukekala kitōkeji.  Mu dyodya difuku, mema a būmi+ akatamba ku Yelusalema,+ kipindi kimo kikakukila ku dijiba dya kutunduka,*+ kipindi kikwabo nakyo ku dijiba dya kushika.*+ Kino kikalongeka mu bushipo ne mu kitatyi kya mashika.  Kadi Yehova ukekala Mulopwe pa ntanda yonso.+ Mu dyodya difuku, Yehova ukekala umo,+ dijina dyandi nadyo dimo.+ 10  “Ntanda yonso ikekala pamo bwa Alaba,+ tamba ku Ngeba+ kutūla ne ku Dimōne+ kunshi kwa Yelusalema; kadi ukemana ne kwikalwa’mo mu kifuko kyandi,+ tamba ku Kibelo kya Benjemani+ kutūla ne ku kifuko kya Kibelo Kibajinji, kutūla ne ku Kibelo kya Difinko, kadi tamba ku Kiteba kya Hananela+ kutūla ne ku byengelo bya vinyu* bya mulopwe. 11  Kadi bantu bakekala’mo; kekukekalapo monka nansha dimo mafingo a bonakani,+ kadi Yelusalema ukekalwa’mo na mutyima-ntenke.+ 12  “Kino kyo kimpengele kikaleta Yehova pa bantu bonso batamba Yelusalema divita:+ Mwita wabo ukabola abo papo bemene na maulu abo, meso abo akabola mu biboyo byao, kadi ndimi yabo ikabola mu byakanwa byabo. 13  “Mu dyodya difuku, kavutakanya katamba kudi Yehova kakasambakana mobadi; muntu ense ukakwata ku kuboko kwa mukwabo, kadi kuboko kwandi kukāya kulwa na kuboko kwa mukwabo.*+ 14  Yuda nandi ukalwa divita ku Yelusalema; kadi bupeta bwa mizo yonso ijokolokele bukakongakanibwa, olo, ne ndalama ne bivwalwa bivule bininge.+ 15  “Kadi kimpengele pamo bwa kino kimpengele kikaponena tubalwe, bimbulu, bangamedia, bampunda, ne bimunanwa byonso bidi mu ano mankambi. 16  “Yewa ense ukashala ku mizo yonso itamba Yelusalema divita, ukakanda mwaka ne mwaka+ kukevukwila kudi* Mulopwe, Yehova wa bibumbo,+ ne kusoba Masobo a Bitanda.*+ 17  Ino shi muntu umo mu bisaka bya pa ntanda kakandilepo ku Yelusalema kukevukwila kudi Mulopwe, Yehova wa bibumbo, nabya mvula kakanokepo pobadi.+ 18  Kadi shi kisaka kya Edipito kekikandilepo kadi kekitwelelepo, nabya kebakekalapo na mvula. Inoko, bakekala na kimpengele kiponejanga Yehova pa mizo keikandangapo kukasoba Masobo a Bitanda. 19  Ino’i yo ikekala mfuto pa mwanda wa bubi bwa Edipito ne bubi bwa mizo yonso keikandangapo kukasoba Masobo a Bitanda. 20  “Mu dyodya difuku, binenwa bya amba, ‘Buujila i bwa Yehova!’+ bikalembwa pa ndibu ya tubalwe. Kadi bisuku bya kutēka’mo*+ mu njibo ya Yehova bikekala pamo bwa ngeso+ idi ku meso a bisōkelo. 21  Kadi kisuku kyonso kya kutēka’mo* mu Yelusalema ne mu Yuda kikekala kijila kadi kikekala kya Yehova wa bibumbo, boba bonso batapa bitapwa bakāya ne kutēkela mu bimo. Mu dyodya difuku kekukekalapo monka mwine Kenani* mu njibo ya Yehova wa bibumbo.”+

Kunshi kwa Dyani

Ko kunena’mba, kibundi kitelelwe mu vese 2.
Nansha’mba “kutambanga dyuba.”
Kishima pa kishima i, “ku dijiba.”
Nansha’mba “bikemana nkū,” pamo bwa byūmijibwe na mashika.
Ko kunena’mba, Dijiba Difwe.
Ko kunena’mba, Dijiba dya Meditelanea.
Nansha’mba “bīna bya kwengela’mo.”
Nansha’mba “kadi muntu umo ukatamba mukwabo.”
Nansha’mba “kukatōta.”
Nansha’mba “Mwa Kufyama Kyaba Kityetye.”
Nansha’mba “bisuku bya kutēka’mo bikata ku milomo.”
Nansha’mba “kisuku kya kutēka’mo kikata ku milomo.”
Bibwanika padi i, “nsunga.”