Zefenia 3:1-20

  • Yelusalema, kibundi kitomboke kadi kyoneke (1-7)

  • Butyibi ne kujokejibwa (8-20)

    • Ke ludimi lutōka (9)

    • Bantu betyepeje kadi bapēlulwe bakapanda (12)

    • Yehova ukasepelela padi Ziona (17)

3  Malwa akyo kibundi kitomboke, kisubijibwe, kimwesha ba malwa!+   Kekikōkelepo diwi nansha dimo;+ kekitabijepo kulemununwa.+ Kekikulupilepo mudi Yehova;+ kekifwenenepo kudi Leza wakyo.+   Bamfumu bakyo badi’mo i bantambo babuluma.+ Batyibi bakyo i bampumpi bufuku;Kebashiyangapo nansha kikupa kimo kya kubokota kufika ne ku lubanga.   Bapolofeto bakyo i bantu ba kibengo, bandalandala.+ Babitobo bakyo basubijanga kyokya kijila;+Bajilula kijila.+   Yehova i moloke mu bukata mwakyo;+ kaloñangapo kibi. Lubanga ne lubanga uyukanyanga butyibi bwandi,+Pamo bwa mwinya kebutunyangapo. Ino moloke kafwangapo bumvu.+   “Naonakenye mizo; biteba byabo bya mu mafinko byashilwe masala. Nasadile bipito byabo, kemwakidipo nansha umo upita’mo. Bibundi byabo byashele mu masala, mwampikwa muntu, mwampikwa mwikadi.+   Nanenene amba, ‘Bine abe ukantyina ne kwitabija kulemununwa,’*+Amba kīkalo kyakyo kileke konakanibwa+—Nkekita kishintulwile pa mwanda* wa bino byonso. Ino abo badi babila bininge kulonga bya kiboja.+   ‘Nanshi nkungilei,’*+ i Yehova unena,‘Kufika ne difuku dyonkemana kuyata bitūtwa,*Mwanda mutyibilo wami wa mambo i wa kubunga mizo, kukongakanya malopwe,Mwanda wa kwibapungulwila kufītwa mutyima kwami, bulobo bwami bonso budyendyemuka;+Mwanda ntanda yonso ikasōkwa na mudilo wa bupyasakane bwami.+   Mwanda nkashinta ludimi lwa bantu ke ludimi lutōka tō,Amba abo bonso bete dijina dya Yehova,Mwanda wa bamwingidile kipuji na kipuji.’*+ 10  Tamba ku ntanda ya minonga ya Efiopya,Boba banzenza, mwana mwana-mukaji wa bantu bami bapalakanibwe, bakandetela kyabuntu.+ 11  Kukafwijibwapo bumvu mu dyodya difukuPa mwanda wa bilongwa byobe byonso byowatombokele nabyo,+Mwanda nkafundula boba beanya na kwizunzula mu bukata mobe;Kadi kukezunzulapo monka mu lūlu lwami lujila.+ 12  Nkaleka bantu betyepeje ne bapēlulwe bekale nyeke mu bukata mobe,+Kadi bakanyemena mu dijina dya Yehova. 13  Boba bakashala mu Isalela+ kebakalongapo bukondame;+Kebakabepapo bubela, kadi ludimi lwa bongojani kelukatanwapo mu byakanwa byabo;Bakadya* ne kulāla, kekukekalapo muntu nansha umo wa kwibakwatyija moyo.”+ 14  A mwanā Ziona mwanamukaji, ela nsadi ya tusepo! A Isalela, tūta kyungwe kya bushindañani!+ A mwanā Yelusalema mwana-mukaji, sangala ne kusepelela na mutyima obe onso!+ 15  Yehova watalula butyibi podi.+ Wapangila walwana nobe kulampe.+ Mulopwe wa Isalela, Yehova, udi mu bukata mobe.+ Kukatyinapo monka kyamalwa.+ 16  Mu dyodya difuku bakanena Yelusalema amba: “A Ziona, kokakwatwa moyo.+ Kokaleka maboko obe apone. 17  Yehova Leza obe udi mu bukata mobe.+ Byadi mukomokomo, ukapandija. Ukakusangela nsangaji mikatampe.+ Ukekala talala* mu buswe bwandi. Ukakusangela na nsadi ya tusepo. 18  Nkakongakanya boba bafītwe mwanda wa kubulwa kutanwa ku masobo obe;+Kebadipo nobe mwanda badi batukwa pa mwanda wandi.+ 19  Tala! Mu kine kitatyi’kya nkalwa na boba bonso bakumwesha malwa;+Nkapandija yewa usunkuta,+Kadi nkakongakanya boba bakusankanibwe.+ Nkebalamuna ke kintu kya mitendelo ne ntumbo*Mu ntanda yonso ya bumvu bwabo. 20  Mu kine kitatyi’kya nkemutweja,Mu kitatyi kyonkemukongakanya. Mwanda nkemwalamuna kemudi kintu kya ntumbo* ne mitendelo+ mu bantu bonso ba pa ntanda,Ponkakongakanya misungi yenu ku meso enu,” i Yehova unena.+

Kunshi kwa Dyani

Nansha’mba “kōlolwa.”
Nansha’mba “Nkekipa mfuto pa mwanda.”
Nansha’mba “ngilaijei na kitūkijetyima.”
Bibwanika padi i, “dyonkemana bu kamoni.”
Nansha’mba “bamutōte mu bumo.”
Nansha’mba “Bakamema.”
Nansha’mba “nyā; talala nyā; musangale.”
Kishima pa kishima i, “dijina.”
Kishima pa kishima i, “dijina.”