Zefenia 2:1-15

  • Kimbai Yehova kumeso kwa difuku dya bulobo bwandi (1-3)

    • Kimbai boloke ne kwityepeja (3)

    • “Kepabulwe padi mukafibwa” (3)

  • Butyibi pa mizo ijokolokele (4-15)

2  Mwibungei, bine, mwibungei,+A muzo wampikwa bumvu.+   Kumeso kwa lubila kufikidila,Kumeso kwa difuku kupita’nka bwa mfumba,Kumeso kwa bulobo budyendyemuka bwa Yehova kwiya pomudi,+Kumeso kwa difuku dya bulobo bwa Yehova kwiya pomudi,   Kimbai Yehova,+ banwe bonso betyepeje ba pa ntanda,Balamine mbila yandi myoloke.* Kimbai boloke, kimbai kwityepeja. Kepabulwe* padi mukafibwa mu difuku dya bulobo bwa Yehova.+   Mwanda Ngaza ukekala kibundi kishibwe;Ashekelona nandi ukasalwa.+ Ashedoda ukapangwa dyuba kampumpu,*Ekalone nandi ukatukunwa.+   “Malwa abo boba bekele ku mbadi ya dijiba, muzo wa bene Keleta!+ Kinenwa kya Yehova kidi pomudi. A Kenani, ntanda ya bene Fidishitia, nsa kukonakanya,Kemukashalapo mwikadi nansha umo.   Kadi mbadi ya dijiba ikekala ke ntanda ya madyo,Na mishimwa ya bakumbi ne bipombo bya mabwe bya mikōko.   Ikekala ke ntanda ya boba bashele ku njibo ya Yuda;+Bakadya kwine’kwa. Bakalāla kyolwa mu mobo a Ashekelona. Mwanda Yehova Leza wabo ukebata mutyima,*Kadi ukajokeja misungi yabo.”+   “Naivwana kafutululo ka Moabu+ ne mutonko wa bene Amone,+Bakolomona bantu bami ne kwitumbijija ntanda yabo.+   Bine nanshi ne byondi mūmi,” i Yehova wa bibumbo, Leza wa Isalela unena,“Moabu ukekala pamo’nka bwa Sodoma,+Bene Amone nabo pamo bwa Ngomola,+Kifuko kya lusungesunge, kīna kya mwepo, ne mu ntanda mutuputupu mwa lonso.+ Bantu bami bashele’ko bakebatūta,Kadi bashele’ko ba ku muzo wami bakebapanga. 10  Bino’bi ye byobakekala nabyo pa kyaba kya mitatulo,+Mwanda bakolomwene ne kwizunzwila bantu ba Yehova wa bibumbo. 11  Yehova ukalenga nzuba kobadi;*Mwanda ukatukija* baleza bonso ba pa ntanda,Kadi bisanga byonso bya mizo bikevukwila kwadi,*+Kimo ne kimo pa kifuko kyakyo. 12  Banwe bene Efiopya nenu mukatapwa na kipete kyami.+ 13  Aye ukōlwela kuboko kwandi dya kungala ne konakanya Ashidia,Kadi ukasala Nineva,+ pamo bwa mu ntanda mutuputupu mūmu. 14  Luombe lukalāla’mo, banyema ba ntanda ba miswelo yonso.* Diomba ne nungu bakalāla bufuku mu bukata mwa mitwe ya bikomo byandi. Diwi dikemba pa dididisha. Musala ukekala pa lukala lwa pa kibelo;Mwanda ukamwekeja patōka mbao mibambe ya sedele. 15  Kino’ki kyo kibundi kya mitatulo kyadi kishikete na mutyima-ntenke,Kyadi kinena mu mutyima wakyo amba, ‘Amiwa ngidi bunka, i kutupu mukwabo.’ Bine kibaikala ke kintu kya nzuba,Kifuko kya kulāla’mo banyema ba ntanda! Ense upita’mo ukela muluji ne kubeleñenya kikoni kyandi.”+

Kunshi kwa Dyani

Kishima pa kishima i, “butyibi bwandi.”
Nansha’mba “Bikokejika.”
Nansha’mba “dyuba mu mitwe.”
Nansha’mba “ukebatala.”
Nansha’mba “ukebazakaja.”
Nansha’mba “ukanyanika.”
Nansha’mba “bikamutōta.”
Kishima pa kishima i, “nyema ense wa muzo.”