Yoba 27:1-23

  • Yoba wasumininwa kulama bululame bwandi (1-23)

    • “Nkikalekapo bululame bwami” (5)

    • Muntu wampikwa Leza kadipo na lukulupilo (8)

    • ‘Mwanda waka binenwa byenu i bya bitupu?’ (12)

    • Mubi ufulanga kintu mpika (13-23)

27  Yoba walunguluka na mwisambo* wandi, kanena’mba:   “Bine, ne Leza mūmi, mwine wapela kumingija,+Ne Mwinē Bukomo Bonso mūmi, mwine waundudija ami,*+   Kyaba kyonso kikidi umpuya wami munda mwamiNe mushipiditu wa kwa Leza mu myulu yami,+   Milomo yami keikesambepo bukondame;Nansha ludimi lwami kwiuninga bya bongojani!   Kebibwanikapo ami kwimutela banwe’bo bu boloke! Enka ne byomfwa, nkikalekapo* bululame bwami!+   Nkalamanga boloke bwami kadi nkikebulekelelapo nansha dimo;+Mutyima wami keukantopekapo* kyaba kyonso kyondi mūmi.*   Walwana nami ekale pamo bwa mubi,Boba bantamba bulwi nabo pamo bwa bakondame.   Mwanda i lukulupilo’ka ludi na muntu wampikwa Leza* shi waonakanibwa,+Shi Leza watalula būmi bwandi?*   Lelo Leza ukevwana kudila kwandiKitatyi kimufikila tusua?+ 10  Ne kadi, le aye ukaloelelwa mudi Mwinē Bukomo Bonso? Lelo uketa Leza kitatyi kyonso? 11  Nkemufundijanga bukomo* bwa Leza;Nkikemufipo kintu nansha kimo kya Mwinē Bukomo Bonso. 12  Tala! Shi banwe bonso mwamwene bimonwa,Mwanda waka binenwa byenu i byonka bya bitupu? 13  Kino’ki kyo kyepelo kya muntu mubi kitamba kudi Leza,+Bupyani butambula boba basusulañana butamba kudi Mwinē Bukomo Bonso. 14  Shi bandi bana abavula, bakapona ku kipete,+Kadi ntundu yandi keikekalapo na byakudya bibwane. 15  Boba bashala’ko bōmi bakajīkwa na kipupo,Kadi bakaji babo ba kishala kebakebadilapo. 16  Nansha shi abunge ndalama mulwi pamo bwa luvumbiNe kungwija bivwalwa bilumbuluke pamo bwa dilongo, 17  Nansha shi ebikongakanye,Moloke ukebivwala,+Kadi muntu wampikwa mambo ukapāna ndalama yandi. 18  Njibo yaubaka i yampikwa bukomo pamo bwa bukonde bwa kīshi,Pamo bwa mwa kufyama+ mulongele mulami. 19  Ukalāla aye papo mpeta, ino kakakongakanyapo kintu nansha kimo;Shi wapūtula meso andi, kekukekalapo kintu nansha kimo. 20  Luzakalo lumukwatanga pamo bwa dilobe;Kimpumpu kyamupepula bufuku.+ 21  Kivula kya kutunduka kikamusela, kadi ukenda,Kyamufundula pa kifuko kyandi.+ 22  Kikamuponena kwampikwa lusa+Aye patompa kunyema bukomo bwakyo ino wakomenwa.+ 23  Kyamukupidila bikufiNe kumwidila muluji+ pa kifuko kyakyo.*

Kunshi kwa Dyani

Kishima pa kishima i, “lukindi.”
Nansha’mba “muya wami.”
Nansha’mba “nkiketalulapo; nkalama.”
Nansha’mba “keukankolomonapo.”
Nansha’mba “mafuku ami onso.”
Nansha’mba “kapondo.”
Nansha’mba “muya wandi.”
Bibwanika padi i, “na kuboko.”
Bibwanika padi i, “Bamukupidila bikufi ne kumwidila muluji ku kifuko kyabo.”