Yoba 26:1-14

  • Malondololo a Yoba (1-14)

    • “Bine, abewa’ko ubakwasha muntu wampikwa bukomo!” (1-4)

    • ‘Leza uyejanga ntanda patuputupu’ (7)

    • ‘Bityutyu’tu bya mu mingilo ya Leza’ (14)

26  Yoba walondolola kanena’mba:   “Bine, abewa’ko ubakwasha muntu wampikwa bukomo! Bine,ubapandija kuboko kwa kubulwa bukomo!+   Bine, ubape muntu wampikwa tunangu madingi makatampe!+ Bine, ubasokola na mutyima onso* tunangu* tobe twa kamweno!   I ani le osaka kwisamba nandi,Ne i ani wakupa mushipiditu wa kwisamba bino bintu?*   Boba bampikwa bukomo mu lufu bazakalanga;Badi munshi bininge kupita ne mema mene ne byonso bidi’mo.   Kibundu* kidi mutaka ku meso a Leza,*+Kadi kifuko kya bonakani* kidi pululu.   Utamunanga diulu dya kungala* mu lwelēle,*+Ne kuyeja ntanda patuputupu;   Uvuñanga mema mu makumbi andi,+Amba makumbi akasabika na bulēmi bwao;   Ushitanga kumeso kwa lupona lwandi,Wala’po dikumbi dyandi.+ 10  Uketanga mukalo* pa bukata bwa diulu ne dijiba;+Utūla mukalo pa bukata bwa kitōkeji ne fukutu. 11  Bikomo binebine bya mūlu bijina;Bikwatwa moyo shi kafuna. 12  Ujinyanga dijiba na bukomo bwandi,+Kadi na ñeni yandi utyumunanga bipindibipindi kipangwa kikatampe* kya lui.+ 13  Utōkejanga madiulu na umpuya* wandi;Kuboko kwandi kusabanga nyoka musakane.* 14  Tala! Bino’bi i bityutyu’tu bya mu mingilo yandi;+I mīsongwe’tu ivwanwa pādi! Penepo i ani ubwanya kwivwanija mikungulo yandi mikomokomo?”+

Kunshi kwa Dyani

Nansha’mba “bininge.”
Nansha’mba “ñeni na ya bonso.”
Kishima pa kishima i, “Ne i umpuya (mushipiditu) wa ani utamba kodi?”
Nansha’mba “Sheole,” ko kunena’mba, kibundu kya bantu bonso. Tala Nshintulwilo ya Bishima.
Kishima pa kishima i, “andi.”
Nansha’mba “Kadi Abadone.”
Kishima pa kishima i, “kungala.”
Kishima pa kishima i, “patupu.”
Kishima pa kishima i, “kifunda.”
Kishima pa kishima i, “Lehaba.”
Nansha’mba “kivula.”
Nansha’mba “wa lubilo.”