Yoba 13:1-28

  • Malondololo a Yoba akyendelela (1-28)

    • ‘Nadi wa kwisamba na Leza’ (3)

    • “Mwi bamuñanga ba bituputupu” (4)

    • “Ndyukile amba ne mubinge” (18)

    • Wipangula kine kyamumwena Leza bu walwana (24)

13  “Bine, diso dyami dibamone kino kyonso,Kutwi kwami kubaivwana ne kwikivwanija.   Byabyo byomuyukile’byo, nami nebiyukile;Kemumpityilepo.   Amiwa’ko, nadi wa kwisamba na Mwinē Bukomo Bonso;Nsaka kusamba mambo ami na Leza.+   Ino banwe munambanga bubela;Banwe bonso mwi bamuñanga ba bituputupu.+   Shi mwaubile’tu talala nyā,Mwadi ba kumweka bu bantu ba tunangu.+   Nemwisāshila, ivwanai kwishintulwila kwami,Kadi tai mutyima ku kwimuka kwa milomo yami.   Le mukanenena Leza bya bukondame,Kadi le mukamunenena bya kyongo?   Le mukekala ku mutamba wandi,*Le mukatompa kwimukila Leza wa bine?   Le bikemupityila biyampe shi wemubandaula?+ Le mukamudimba na momudimbilanga muntu wa kufwa? 10  Ukemufunina binebineShi mutompe mu bufyafya kulombola ntondo.+ 11  Le bulēme bwandi kebukemuzakajapo’niNe kityino kyandi kukemuponena? 12  Binenwa byenu bya tunangu* i nkindi ya buto;Bya kwikinga* byenu i bizoze bwa bya kwikinga bya dilongo. 13  Ubai talala ku meso ami, nesambe. Nanshi kyonso kibwanya kuntana, kintane! 14  Le i kika kyonetūdila mu kyaka*Ne kusela būmi bwami* mu makasa ami? 15  Nansha shi antape, ami nkakungilanga’tu;+Nkasamba mambo ami* ku meso andi. 16  Aye nandi ukekalanga lupandilo lwami,+Mwanda i kutupu muntu wampikwa Leza* ubwanya kutwela ku meso andi.+ 17  Ivwanai biyampe kinenwa kyami;Tai mutyima ku byonesamba. 18  Talai, pano nalongolola kisambo kyami;Ndyukile amba ne mubinge. 19  Le i ani ukalwa nami? Nadi wa kufwa shi naubile talala!* 20  Umpe’tu bintu bibidi, abe Leza,*Kutyina’mba nakefya ku meso obe: 21  Sonsolwela kuboko kobe kulēma kulampe nami,Kadi kokaleka moyo obe untuyule.+ 22  Wite nansha kwita, nami nketaba,Nansha kadi undeke nesambe, nobe unondolole. 23  Le bilubo byami i bilubo’ka ne bubi bwami i bubi’ka? Nsokwele kujilula kwami ne bubi bwami. 24  I kika le kyofila mpala yobe+Ne kumona ami bu walwana nobe?+ 25  Le ukatompa kuzakaja dyani dipepulwa na kivulaNansha kulonda lubilo kityakuku? 26  Mwanda ulembanga’nka kulemba byobansambila bibibibi,Kadi ubaumpe mfuto pa bubi bwa pa bwanuke. 27  Ubaela maulu ami mu bikulo,Ubandaulanga tushinda twami tonso,Kadi ufwatulanga mayo ami onso. 28  Pano muntu* yeu kabola pamo bwa kintu kibole,Pamo bwa kivwalwa kidibwe na bīshi.

Kunshi kwa Dyani

Nansha’mba “mukalombola mboloji pa mwanda wandi.”
Nansha’mba “bivulukwa.”
Kishima pa kishima i, “bikunu bya ngabo.”
Kishima pa kishima i, “Le i kika kyonselela mwita wami mu meno ami.”
Nansha’mba “muya wami.”
Nansha’mba “Nkalwila mashinda ami.”
Nansha’mba “i kutupu kapondo.”
Bibwanika padi i, “Shi muntu ubwanya, nankyo nkoba talala ne kufwa.”
Kishima pa kishima i, “Enka bintu bibidi kete, kokanonga’byo.”
Kishima pa kishima i, “aye,” pakwabo kifunkila pa Yoba.”