Mukanda wa Yakoba 5:1-20

  • Kidyumu ku bampeta (1-6)

  • Leza weselanga boba bōminina na kitūkijetyima (7-11)

  • “En-en” wenu ekale’nka en-en (12)

  • Milombelo ya lwitabijo idi na lupusa (13-18)

  • Kukwasha kipya-mambo ajoke (19, 20)

5  Shi ke pano, banwe bampeta, dilai ne kuyoyokota miyoa mwanda wa bumonya-malwa busa kwimufikila.+  Bupeta bwenu bubabola, kadi bisandi byenu bibadibwa na bīshi.+  Olo ne ndalama yenu ibadibwa na nkutu kadi nkutu yabyo ikekalanga bukamoni bwimuponeja kadi ikadyanga ngitu yenu. Byobya byomwaungwije bikekalanga bwa mudilo mu mafuku a mfulo.+  Talai! Mpalo yomwasuminwe bengidi baangwile madimi enu idilanga’nka kudila, kadi madilo a kwabija a bangudi abafika ne mu matwi a Yehova* wa bibumbo.+  Banwe mwikele na būmi bwa bupeta ne bwa kwisangaja pano pa ntanda. Mununija mityima yenu mu difuku dya kutapibwa.+  Mubaponeja; mubaipaya yewa moloke. Le aye kemulwangapo’ni, a?  Tūkijai mutyima, banwe banabetu, kufika ne mu kitatyi kya kwikala’po kwa Mfumwetu.+ Talai! Kidimye wilaijanga bipa bilumbuluke bya panshi, wibitūkijije mutyima enka ne bifika mvula mubajinji ne wa ku muketeko.+  Banwe nenu tūkijai mutyima;+ komejai mityima yenu, mwanda kitatyi kya kwikala’po kwa Mfumwetu kibafwena pabwipi.+  Kemwakeuningilai* banwe bene na bene, a banabetu, kutyina’mba mwakatyibilwa mambo.+ Talai! Mutyibi mwine au wimene pa bibelo. 10  A banabetu, mu kususulwa+ ne kutūkija mutyima,+ londai kimfwa kya bapolofeto bānenene mu dijina dya Yehova.*+ 11  Talai! Tumonanga boba bōminina+ bu ba nsangaji.* Mwaivwene kūminina kwa Yoba,+ mwamona ne kwafudije’byo Yehova,*+ amba Yehova* i muyule kisanso kya ku mutyima* kadi i wa lusa.+ 12  Kutabukidila, banwe banabetu, lekai kutyipa’mba ne mūlu, nansha’mba ne panshi nansha mutyipo o-onso. Ino “En-en” wenu ekale’nka en-en, kadi wenu “Aa” nandi, aa,+ kutyina’mba mwakafwaninwa butyibi. 13  Le kudi ususuka mu bukata mwenu? Nabya alombele’nka kulombela.+ Le kudi udi na nsangaji ku mutyima? Nabya embe ñimbo ya mitōto.+ 14  Le kudi ubela mu bukata mwenu? Nabya ete bakulumpe ba kipwilo,+ nabo bamulombelele, bamushinge ne māni+ mu dijina dya Yehova.* 15  Kadi milombelo ya lwitabijo ikakomeja yewa ubela,* Yehova* nandi ukamulangula. Ne kadi, shi i mulonge bubi, ukalekelwa. 16  Nanshi, mwisapulei bubi bwenu+ patōkelela banwe bene na bene ne kwilombelela banwe bene na bene, amba mubelulwe. Milombelo ya kuzenza ya moloke idi na lupusa lukatampe.*+ 17  Ediya wādi muntu pamo’nka bwa batwe, inoko paālombele na kininga’mba mvula kakinoka, mvula kānokelepo mu ntanda’ya myaka isatu ne myeji isamba.+ 18  Kupwa wālombela monka, ebiya diulu dyāleta mvula ne ntanda’ya nayo yālupula bipa.+ 19  Banwe banabetu, shi muntu mu bukata mwenu wasāsuka ku bubine ino mukwabo wamujokeja, 20  yukai amba yewa ense ujokeja kipya-mambo ku dishinda dyandi dibi+ ukamupandija* ku lufu kadi ukapūta milwi ne milwi ya bubi.+

Kunshi kwa Dyani

Nansha’mba “Kemwakebinjilai; Kemwaketompwelai.” Kishima pa kishima i, “Kemwakifomenai bininge.”
Nansha’mba “beselwe.”
Nansha’mba “i wa lusalusa.”
Bibwanika padi i, “yewa mukōke.”
Kishima pa kishima i, “ingilanga na bukomo.”
Nansha’mba “ukapandija muya wandi.”