Nkindi 13:1-25

  • Boba bakimba madingi badi na tunangu (10)

  • Lukulupilo lwija lubelekanga mutyima (12)

  • Mutumwa mukōkele uletanga bundapi (17)

  • Kunanga na ba tunangu kwikadijanga muntu ke wa tunangu (20)

  • Kulemununa, kilomboji kya buswe (24)

13  Mwana wa tunangu witabijanga bulemununi bwa shandi,+Ino wa kibengo kevwanangapo kufuninwa.*+   Muntu ukadya bintu biyampe bya ku bipa bya binenwa* byandi,+Ino kusakasaka kwa* bandalandala i lūma.   Yewa ulama kyakanwa kyandi* ukiñanga būmi bwandi,*+Ino yewa upūtula milomo yandi bininge ukafula ku musala.+   Muzoze wabilanga bininge, aye* kwikala na kintu mpika,+Ino muntu* wa kininga ukekuta bā.*+   Moloke ushikilwe bubela,+Ino bilongwa bya babi biletanga bumvu ne kuzobejibwa.   Boloke bukiñanga yewa wa dishinda dyampikwa mambo,+Ino bubi butūkijanga kipya-mambo munshi.   Kudi muntu wimwekeja bu mpeta, aye papo kwikala na kintu mpika;+Mukwabo nandi wimwekeja bu mulanda, aye papo na bupeta bukatampe.   Bupeta i kinkūlwa kya būmi bwa* muntu,+Ino balanda abo nansha kuzakajibwa kwine mpika.*+   Kitōkeji kya moloke kyeñenyanga tō,*+Ino kinanu kya babi kikabula.+ 10  Ditatu ditwalanga* enka ku lupotopoto,+Ino tunangu tudi na boba bakimba madingi.*+ 11  Bupeta busokwelwe* bukidibukidi bukatyepa,+Ino bupeta bwa yewa ukongakanya’bo bityebitye* bukavula. 12  Kukungila* kwija kubelekanga mutyima,+Ino kufikidila kwa kintu kisakwa i mutyi wa būmi.+ 13  Yewa ense ufutulula bulombodi* ukafuta mambo,+Ino yewa ulēmeka mbila ukapalwa mpalo.+ 14  Bufundiji bwa* muntu wa tunangu i nsulo ya būmi+Mwanda wa kusāsukija muntu ku makinga a lufu. 15  Bujinguludi bwa binebine buletanga kwitabijibwa,Ino dishinda dya bandalandala i dibi. 16  Mukosoke uloñanga bintu na buyuki,+Ino mulembakane usokolanga patōka bulembakane bwandi.+ 17  Mukendi mubi uponenanga mu makambakano,+Ino mutumwa mukōkele uletanga bundapi.+ 18  Yewa ense usūla bulemununi ufulanga ku bulanda ne bumvu,Ino yewa witabija kōlolwa* ukatumbijibwa.+ 19  Kyokya kisakwa shi kibafikidila kitobalanga muntu,*+Ino bivila abyo bishikilwe kusāsuka ku bibi.+ 20  Yewa unanga na ba tunangu ukekala wa tunangu,+Ino yewa upwene na bivila ukamona malwa.+ 21  Kyamalwa kilondalondanga babipya-mambo,+Ino bupeta bupalanga boloke mpalo.+ 22  Muntu muyampe ushilanga bandi bankana bupyani,Ino bupeta bwa kipya-mambo bukabikilwa moloke.+ 23  Budimi budimine mulanda bupanga byakudya bingi,Ino bukokeja* kukubijibwa na bukondame. 24  Yewa ense ukoka lusonde* lwandi ushikilwe wandi mwana,+Ino yewa umusenswe umulemununanga na kininga.*+ 25  Moloke udyanga ne byaikuta,+Ino mu kifu kya babi i mutupu kintu.+

Kunshi kwa Dyani

Nansha’mba “kololwa.”
Kishima pa kishima i, “kyakanwa.”
Nansha’mba “muya wa.”
Nansha’mba “byanena.”
Nansha’mba “muya wandi.”
Nansha’mba “muya wandi.”
Nansha’mba “muya.”
Kishima pa kishima i, “ukanunijibwa.”
Nansha’mba “muya wa.”
Kishima pa kishima i, “kwivwana kufuninwa mpika.”
Kishima pa kishima i, “kisangalanga.”
Nansha’mba “Kibutakwe kitwalanga.”
Nansha’mba “boba besambila pamo.”
Nansha’mba “Bupeta bwa bitupu.”
Kishima pa kishima i, “ukongakanya na makasa.”
Nansha’mba “Lukulupilo.”
Nansha’mba “kinenwa.”
Nansha’mba “Bijila bya.”
Nansha’mba “madingi.”
Nansha’mba “muya.”
Nansha’mba “ukokeja.”
Nansha’mba “bulemununi; mfuto.”
Bibwanika padi i, “ponka na ponka.”