Mika 3:1-12

  • Bendeji ne bapolofeto abafuninwa (1-12)

    • Mika wayujibwa bukomo na mushipiditu wa Yehova (8)

    • Babitobo bafundijanga mwanda wa lupeto (11)

    • Yelusalema ukekala ke milwi ya masala (12)

3  Nanenene amba: “A mitwe ya Yakoba, nemwisāshila, ivwanaiNe banwe bakatampe ba njibo ya Isalela.+ Le kemukayukapo kyokya kyoloke?   Ino banwe mushikilwe biyampe+ ne kusanswa bibi;+Mulamuna kikoba kya bantu bami ne mwita ku mikupa yabo.+   Mudyanga ne mwita wa bantu bami+Ne kusaya kikoba kyabo,Mulalakanyanga mikupa yabo, ne kwiivingakanya bibesebibese,+Pamo bwa bintu bitēke mu kisuku,* pamo bwa mwita wa ntanda mu kisuku kya kutēka’mo.   Bakabija Yehova mu kine kitatyi’kya,Ino kakebetabapo. Ukebafya mpala yandi mu kine kitatyi’kya,+Mwanda wa bilongwa byabo bibi.+   Yehova wanena namino ku bapolofeto balubija bantu bami,+Basapula’mba, ‘Ndoe!’+ koku basuma* na meno abo,+Ino basapula* divita ku yewa katūdilepo kintu mu kyakanwa kyabo amba:   ‘Mukekala na bufuku;+ ino kekukekalapo kimonwa nansha kimo;+Kukemwikadila enka fukutu, kwampikwa lubuko. Dyuba dikaponena bapolofeto,Kadi mwinya ukebalamukila ke fukutu.+   Bamoni ba bimonwa bakafwijibwa bumvu,+Kadi bambuki bakatyumukwa mutyima. Abo bonso bakepūta mwevu wa pa mulomo wa kūlu,*Mwanda i kutupu malondololo atamba kudi Leza.’”   Ino ami, ne muyulwe bukomo kupityila ku mushipiditu wa Yehova,Ne boloke ne bukomokomo,Mwanda wa kusapwila Yakoba butomboki bwandi, ne Isalela bubi bwandi.   A mitwe ya njibo ya Yakoba, nemwisāshila ivwanai kino’kiNe banwe bakatampe ba njibo ya Isalela,+Bashikilwe boloke ne kunyengakanya kyokya kyonso kyoloke,+ 10  Bōbaka Ziona na kumwanga mashi, ne Yelusalema na bukondame.+ 11  Batangidiji bandi* batyibanga mambo mwanda wa kutyibwa milomo,+Babitobo bandi bafundijanga mwanda wa kufutwa,+Kadi bapolofeto bandi babukanga lubuko mwanda wa lupeto.*+ Ino abo bakulupile Yehova,* kebanena’mba: “Mwene Yehova udi netu?+ I kutupu kyamalwa kisa kwitufikila.”+ 12  O mwanda pa mwanda wenu,Ziona ukadimwa pamo bwa budimi,Yelusalema nandi ukekala ke milwi ya masala,+Kadi lūlu lwa Njibo* lukekala pamo bwa mitenta mu ditó.*+

Kunshi kwa Dyani

Nansha’mba “kisuku kya kutēka’mo kikata ku milomo.”
Bibwanika padi i, “kitatyi kyobadi na kintu kya kutankunya.”
Kishima pa kishima i, “bapandula.”
Nansha’mba “bakapūta byakanwa byabo.”
Kishima pa kishima i, “Mitwe yandi.”
Nansha’mba “ndalama.”
Nansha’mba “betela’mba bakulupile Yehova.”
Nansha’mba “lūlu lwa tempelo.”
Nansha’mba “mukuna wa mityi.”