Kupituluka mu Bijila 33:1-29

  • Mosesa waesela bisaka (1-29)

    • ‘Maboko a nyeke’ a Yehova (27)

33  Ino dino’di dyo dyese dyobaesele bene Isalela kudi Mosesa muntu wa Leza wa bine kumeso kwa aye kufwa.+  Wanenene amba: “Yehova—watambile ku Shinai+Kadi waeñenye kobadi ku Seila. Waeñenye mu ntumbo mu ntanda ya ngulu ya Palana,+Kadi wadi pamo na bajila tununu makumi+Ku lundyo lwandi ba bulwi bandi.+   Wadi usenswe bandi bantu kisanso kikatampe;+Babo bajila bonso badi mu kuboko kobe.+ Badi bashikete pa maulu obe;+Kebevwana binenwa byobe.+   (Mosesa wetupele musoñanya, kijila,+Bu kintu kya kipwilo kya Yakoba.)+   Kadi Aye wabikele ke mulopwe mu Yeshulune,*+Kitatyi kyebungile pamo mitwe ya bantu,+Pamo ne bisaka byonso bya Isalela.+   Lubeni ekale mūmi kakifwa,+Kadi bantu bandi kebakityepa.”+   Kadi waesela Yuda dino dyese amba:+ “A Yehova, ivwana’po diwi dya Yuda,+Kadi mujokeje’po ku bantu bandi. Maboko andi alwidile* kintu kyandi,Kadi mukwashe alwe na balwana nandi.”+   Wanena Levi amba:+ “Tumimi yobe* ne Udimi+ yobe i ya muntu ukulamete,+Mwine owatūdile pa ditompo ku Masa.+ Washilula kulwa nandi dya ku mema a Mediba,+   Muntu wanenene shandi ne inandi amba, ‘Nkibalēmekelepo.’ Nansha ke banababo bene kebayukilepo,+Kadi waidilwe bana bandi aye mwine, Mwanda balamine kinenwa kyobe,Kadi balamine kipwano kyobe.+ 10  Nanshi bafundije Yakoba mutyibilo obe wa mambo+Ne Isalela Bijila byobe,+ Balambule ensense bu luvumba luyampe kodi*+Ne kyamulambu kituntulu pa kisōkelo kyobe.+ 11  A Yehova, esela bukomo bwandi,Kadi loelelwa mwingilo wa makasa andi. Vinga maulu* a boba bataluka kukalwa nandi,Amba boba bamushikilwe kebakamutalukila monka.” 12  Wanena Benjemani amba:+ “Muswedibwe wa Yehova ekale nandi ne mutyima-ntenke;Koku umukinga difuku dyonso dituntulu,Aye ukekala pa bukata bwa bipuji byandi.” 13  Wanena Yosefa amba:+ “Ntanda yandi yeselwe na Yehova+Na bintu bilēme bya mūlu,Na lumé ne mema a ku masulo a munshi,+ 14  Na bintu bilēme bilupulwe na dyubaNe bipa bilēme kweji ne kweji,+ 15  Na bintu bilēme kutabuka bya mu ngulu* ya kala+Ne bintu bilēme bya mikuna ya nyeke, 16  Na bintu bilēme bya ntanda ne biyudile’po,+Kadi ne kwitabijibwa na Yewa ushikete mu kimuna kya miba.+ Bāye pa mutwe wa Yosefa. Pa nsongo ya mutwe wa yewa wasañwinwe mu banababo.+ 17  Buya bwandi bwa dyangi budi pamo bwa bobwa bwa ñombe wa kilala-ndá,Kadi masengo andi i masengo a ñombe wa ntanda. Ukatononanga* nao bantuAbo bonso pamo ne ku mfulo ya ntanda. I makumi a tununu a Efelaimi,+Kadi i tununu twa Manase.” 18  Wanena Zebuluna’mba:+ “Sangala, abe Zebuluna, mu kutamba kobe,Ne abe, Isakala, mu mapema obe.+ 19  Baketyilanga bantu ku lūlu. E kobakalambula bitapwa bya boloke. Mwanda abo bakatapula mu bya bupeta bingi bya* majibaNe bibīko bifibwe* bya musenga.” 20  Wanena Ngade amba:+ “Eselwe yewa ubaija mikalo ya Ngade.+ Aye ubatamanga’ko pamo bwa ntambo,Utengele kusasamuna kuboko, bine, nsongo ya mutwe. 21  Aye uketongela kipindi kibajinji,+Mwanda ko kubīkilwe kipindi kya yewa upāna bijila.+ Mitwe ya bantu ikebunga pamo. Ukafikidija boloke bwa YehovaNe mutyibilo wandi wa mambo na Isalela.” 22  Wanena Dani amba:+ “Dani i ntambo mwana.+ Aye ukatumbuka ku Bashane.”+ 23  Wanena Nafatale amba:+ “Nafatale waikuta kwitabijibwaKadi i muyule dyese dya Yehova. Yata kushika ne kunshi.” 24  Wanena Ashela’mba:+ “Ashela i mweselwe ne bana. Banababo bamutōkelwe mutyima,Kadi atubike* maulu andi mu māni. 25  Kyuma ne mukuba yo mikonkole ya ku mulango obe+Kadi ukekalanga na mutyima-ntenke mafuku obe onso.* 26  Kekudipo nansha umo udi bwa Leza wa bine+ wa Yeshulune,+Mwine utentamine mūlu mwanda wa kukukwashaKadi utentamine pa makumbi mu bukatampe bwandi.+ 27  Leza i kinyemeno tamba bitatyi bya kala,+Maboko andi a nyeke adi munshi mobe.+ Kadi ukapanga walwana ku meso obe,+Aye ukanena’mba, ‘Wibatukije fututu!’+ 28  Isalela ukekalanga na mutyima-ntenke,Nsulo ya Yakoba ikekalanga kwa bunkaMu ntanda ya miseke ne vinyu mipya,+Madiulu andi akasūma lumé.+ 29  A Isalela, wi wa nsangaji!+ Lelo i ani udi bwa abe,+Bantu bamona lupandilo lwa Yehova,+Ngabo yobe ya kukukinga+Ne kipete kyobe kikatakata? Balwana nobe bakatetema ku meso obe,+Kadi ukebanyanta pa nyuma.”*

Kunshi kwa Dyani

Ko kushintulula’mba “Moloke Swā,” kitenta kya bulēme kya Isalela.
Nansha’mba “walwidile.”
“Yobe” mu uno vese ufunkila padi Leza.
Kishima pa kishima i, “mu mulu obe.”
Nansha’mba “bifuka.”
Bibwanika padi i, “ngulu ya kutunduka.”
Nansha’mba “Ukatemanga.”
Kishima pa kishima i, “ukamwa bungibungi bwa.”
Nansha’mba “byabulēme.”
Nansha’mba “oye.”
Kishima pa kishima i, “Kadi bukomo bobe bukekalanga pamo bwa mafuku obe.”
Bibwanika padi i, “mitenta.”