Isaya 59:1-21

  • Bubi bwa Isalela bubalengeja kusonsoloka kudi Leza (1-8)

  • Kusaba bubi (9-15a)

  • Yehova wakwasha besāsa (15b-21)

59  Talai! Kuboko kwa Yehova ke kwīpipo bininge pa kupandija,+Kadi kutwi kwandi ke kujikepo* pa kwivwana.+   Mhm, bilubo byenu byo byemusansanya na Leza wenu.+ Bubi bwenu bubamulengeja emufye mpala yandi,Apele ne kwimwivwana kwine.+   Mwanda makasa enu i masubijibwe na mashi+Minwe yenu nayo na kilubo. Milomo yenu īsambanga bubela,+ ludimi lwenu nalo lwiuninga bukondame.   I kutupu muntu nansha umo wita boloke,+Kadi i kutupu muntu nansha umo wenda ku kidye mu bubinebine. Bakulupile kintu kya bubela,*+ ne kwisamba bya bitupubitupu. Bemitanga makambakano ne kubutula kyokya kibi.+   Batōyanga mai a nyoka wa bulembe,Ne kusuka bukonde bwa tandakumbidi.+ Yewa ense udya mai abo ukafwa,Kadi dii diladika ditōyanga mpidi.   Bukonde bwabo bwa tandakumbidi kebukekalapo bu kivwalwa,Kadi kebakepūtapo byobya byobalongele.+ Mingilo yabo i mibi,Kadi bilongwa bya lūma bidi mu maboko abo.+   Maulu abo anyemenanga ku kulonga bibi,Kadi bapēlakenanga ku kumwanga mashi ambulwa mambo.+ Milangwe yabo i milangwe mibi;Musala ne bumonya-malwa bidi mu mashinda abo.+   Kebayukilepo dishinda dya ndoe,Kadi mu tushinda twabo i mutupu boloke.+ Bakondamijanga mashinda abo;I kutupu muntu nansha umo wenda’mo ukekala mu ndoe.+   O mwanda bululame budi kulampe netu,Kadi boloke kebwitupetelepo. Tukulupile kitōkeji, ino tala! kudi fukutu;Tukulupile mwinya, ino tunangila’nka mu mfindi.+ 10  Tubabatanga lubumbu pamo bwa bampofu;Tubabatanga’nka kubabata pamo bwa boba bampikwa meso.+ Tukukalanga dyuba mu mitwe pamo bwa mu fukutu ya kyolwa;Tudi pamo bwa bafwe mu bukata mwa bantu bakomo. 11  Batwe bonso tubulukanga’nka kubuluka pamo bwa banyema betwa bu uluseKadi tudilanga pamo bwa bankunda. Tukulupile boloke, ino i kutupu’bo;Tukulupile lupandilo, ino ludi kulampe netu. 12  Mwanda butomboki bwetu i bungi ku meso obe;+Bubi bwetu bonso bwituponejanga.+ Mwanda butomboki bwetu budi netu;Tuyukile biyampe bilubo byetu.+ 13  Tubajilula ne kutuna Yehova;Tubavundamina Leza wetu. Tubesambe bya masusu ne butomboki;+Tubaimita bubela ne kwiuninga binenwa bya bubela mu mutyima.+ 14  Bululame bubajoka kunyuma,+Kadi boloke bwimanine kulampe;+Mwanda bubine* bubakukala mu kīkwe, Kadi kyokya kyoloke swā kekibwanyapo kutwela. 15  Bubine* bubashinika,+Kadi yewa ense uleka bibi utūtwanga. Yehova wamwene kino, wafītwa mutyima,*Mwanda kekwadipo boloke.+ 16  Wamwene amba kekwadipo muntu nansha umo,Kadi watulumukile pa kubulwa’ko nansha umo wa kwibasengela,O mwanda kuboko kwandi kwaletele lupandilo,*Kadi boloke bwandi bwamukweshe’ko. 17  Penepo wavwala boloke pamo bwa kotyi wa byumaNe kilama-mutwe kya lupandilo* ku mutwe wandi.+ Wavwala bivwalwa bya kinongo bu bisandi byandi+Ne kwipomba bupyasakane pamo bwa kotyi.* 18  Ukebapala pa byobya byobalonga:+ Bukalabale ku bakinkwa nandi, mfuto nayo ku balwana nandi.+ Kadi ukalubwila bisanga kyokya kyobifwaninwe. 19  Bakatyina dijina dya Yehova kuponanga dyubaNe ntumbo yandi kutambanga dyuba,Mwanda ukāya pamo bwa munonga ukuka mulungu,Wendejibwa na mushipiditu wa Yehova. 20  “Mukūdi+ ukāya+ ku Ziona,Ku bantu ba Yakoba baleka kujilula,”+ i Yehova unena. 21  “Ino kondi, kino’ki kyo kipwano kyonasamba nabo,”+ i Yehova unena. “Mushipiditu wami udi podi ne binenwa byonatūla mu kyakanwa kyobe—kebikatalulwapo mu kyakanwa kyobe, mu kyakanwa kya bobe bana,* nansha mu kyakanwa kya bobe bankana,”* i Yehova unena, “tamba pano ne nyeke.”

Kunshi kwa Dyani

Kishima pa kishima i, “ke kulēmangapo.”
Nansha “kya bitupu.”
Nansha’mba “kubulwa budimbidimbi.”
Nansha’mba “kubulwa budimbidimbi.”
Kishima pa kishima i, “kyadi kibi ku meso andi.”
Nansha’mba “bushindañani kwadi.”
Nansha’mba “bushindañani.”
Nansha’mba “kotyi wampikwa makasa.”
Kishima pa kishima i, “lukunwa lobe.”
Kishima pa kishima i, “kya lukunwa lwa lukunwa lobe.”