Isaya 58:1-14

  • Kushikilwa na nzala kwa bine ne kwa bubela (1-12)

  • Kuloelelwa kulama Sabato (13, 14)

58  “Ita na diwi dikatampe bininge; kokeshisa! Tulula diwi dyobe pamo bwa lusengo. Sapwila bantu bami butomboki bwabo,+Ne njibo ya Yakoba bubi bwabo.   Bankimbanga difuku ne difuku,Kadi belombola bu baloelelwe kuyuka mashinda ami,Wita’mba abo i muzo ulonga bolokeKadi kebalekelepo bululame bwa Leza wabo.+ Banomba butyibi boloke,Baloelelwa kufwena kudi Leza,+ kebanena’mba:   ‘Mwanda waka kumwenepo potushikilwa na nzala?+ Mwanda waka kutelepo mutyima batwe* potwikele na bulanda?’+ I mwanda mu difuku dya kushikilwa na nzala kwenu, mulondalondanga tumweno twenu banwe bene,*Kadi mususulanga bengidi benu.+   Kushikilwa na nzala kwenu kufulanga na lupotopoto ne lūma,Kadi mwikupilanga bikoni bya bubi. Kemubwanyapo kushikilwa na nzala na momulongela dyalelo’mu ne kulengeja diwi dyenu divwanwe mūlu.   Le kushikilwa na nzala kontongele kudi namino,Pamo bwa difuku dya muntu* kwikala na bulanda,Ukonkamene mutwe wandi pamo bwa mundu,Ne kwala butanda bwandi pa sāka ne buto? Le bino byo byomwita bu kushikilwa na nzala ne bu difuku disangaja Yehova?   Mhm, kushikilwa na nzala kontongele i kuno: Kutalula nkano ya bubi,Kukutulula myonji ya mukabo wa lupungu,+Kulekelela babimonya-malwa bende,+Ne kutyumuna pabidi mukabo onso wa lupungu;   I kwiabila mukate obe na wa nzala,+Kutweja mu yobe njibo mulanda ne muntu kadipo na kwa kwikala,Kuvwika muntu udi mutaka kitatyi kyomumona,+Ne kuleka kuvundamina ngitu yobe.   Nabya kitōkeji kyobe kikeñenya pamo bwa kibangabanga,+Kadi bundapi bobe bukamweka bukidi bonka. Boloke bobe bukakutangidila kumeso,Ntumbo ya Yehova nayo ikekala bu mulami obe wa kunyuma.+   Penepo uketa, Yehova nandi uketaba;Ukābija bukwashi, nandi ukanena’mba, ‘Ami uno!’ Shi ubatalula mukabo wa lupungu mu bukata mobeNe kuleka kufunka munwe obe ne kwisamba bya nshikani,+ 10  Shi upe wa nzala kyokya kyosakanga*+Ne kwikutyija boba bamweshibwa malwa,*Nabya kitōkeji kyobe kikeñenya’nka ne mu fukutu,Kadi mfindi yobe ikekala pamo’nka bwa dyuba mu mitwe.+ 11  Yehova ukakwendeja mafuku onsoNe kukwikutyija* nansha ke mu ntanda myūmu tē;+Ukakomeja mikupa yobe,Nobe ukekala pamo bwa budimi busangilwe mema biyampe,+Pamo bwa nsulo ya mema keomangapo. 12  Bakobakulula masala a kala pa mwanda obe,+Nobe ukalongolola byalwilo bya nkongo ya kala.+ Uketwa bu muntu ulongololanga mumbu mityumuke,*+Muntu ulongololanga mashinda kwa kwikala. 13  Shi uleke* kulondalonda tumweno twa abe mwine* pa mwanda wa Sabato, mu difuku dyami dijila+Kadi wite Sabato bu difuku dya kuloelelwa bininge, difuku dijila dya Yehova, difuku dya kutumbijibwa,+Ne kwiitumbija pa kyaba kya kulondalonda tumweno twa abe mwine ne kunena binenwa bya bitupu, 14  Nabya ukaloelelwa bininge mudi Yehova,Nami nkakukandija pa mitenta ya ntanda.+ Nkakudisha ku* bupyani bwa Yakoba mukulutuba obe,+Mwanda kyakanwa kya Yehova kibesambe’kyo.”

Kunshi kwa Dyani

Nansha’mba, “muya wetu.”
Nansha’mba “byomuloelelwe.”
Nansha’mba “muya wandi.”
Nansha’mba “kisakanga muya obe.”
Nansha’mba “myuya imweshibwa malwa.”
Nansha’mba, “kwikutyija muya obe.’
Kishima pa kishima i, “kipunzu.”
Kishima pa kishima i, “Shi ujokeje kulu kobe ku.”
Nansha’mba “kuloelelwa kwa abe mwine.”
Nansha’mba “Nkakulengeja usangele.”