Isaya 5:1-30

  • Lwimbo lwa budimi bwa mañanza bwa Yehova (1-7)

  • Malwa pa budimi bwa mañanza bwa Yehova (8-24)

  • Bulobo bwa Leza pa bantu bandi (25-30)

5  Bine, leka ñimbile muswedibwe wamiLwimbo lwa muswe wami ne budimi bwandi bwa mañanza.+ Muswedibwe wami wadi na budimi bwa mañanza pa mukuna wa bumeni.   Watyimpula’bo ne kutalula’mo mabwe. Wakuna’mo mañanza malumbuluke atyila,Waubaka’mo kiteba mu bukata,Kadi wakola’mo kyengelo kya vinyu.+ Wadi nyeke utengele amba busa kupa mañanza mayampe,Ino abo bwapa enka mañanza a ntanda.+   “Shi ke pano, banwe bekadi ba Yelusalema ne bantu ba Yuda,Nemwisāshila, tyibai mambo pa bukata bwami ne budimi bwami bwa mañanza.+   Le i bika bikwabo byombwanya kulongela budimi bwami bwa mañanzaByonkyebulongēle?+ Mwanda waka, ponadi ntengele mañanza mayampe,Ino abo bwapele enka mañanza a ntanda?   Shi ke pano, nemwisāshila, tejai nemulomboleByonsa kulonga budimi bwami bwa mañanza: Nsa kutalula lusao lwabo,Kadi busa kusōkwa.+ Nsa kutyumuna lubumbu lwabo lwa mabwe,Kadi busa kutyampakanibwa.   Nsa kwibwalamuna ke mu ntanda mutuputupu;+Kebukakukulwapo nansha kusekwilwa. Busa kutumpa bimuna bya miba ne biyombo bityani,+Kadi nkasoñanya makumbi aleke kwibutumina mvula.+   Mwanda budimi bwa mañanza bwa Yehova wa bibumbo i njibo ya Isalela;+Bantu ba Yuda i budimi* bwaadi usenswe bininge. Wadi nyeke utengele boloke,+Ino tala! mwadi bukondame;Wadi utengele bululame,Ino tala! mwadi madilo a tusua.”+   Malwa abo boba balunga njibo imo na njibo mikwabo+Ne boba balunga budimi bumo na budimi bukwabo+Kufika ne byokubulwa kyabaKadi mushikete mu ntanda bunka bwenu!   Yehova wa bibumbo watyipe mu matwi amiAmba mobo mavule, ekale makatampe nansha mayampe,Akekala ke kintu kya nzuba,Ampikwa mwikadi.+ 10  Bipēta dikumi* bya budimi bwa mañanza bikalupula enka kipimo kimo kya bate,*Kadi kipimo kimo kya homa* wa nkunwa kikalupula efa* umo kete.+ 11  Malwa abo boba babūka lubanga bwē mwanda wa kutoma bitomibwa bikolwañana,+Boba balejaleja kyolwa mu meso ke mufīta kufika ne bibasōka vinyu! 12  Badi na lunsense ne kyombanwa kya myonji,Ñoma, lushiba ne vinyu ku masobo abo;Ino kebabangilepo mingilo ya Yehova,Kadi kebamwenepo mwingilo wa makasa andi. 13  O mwanda bantu bami bakenda bu misungiMwanda wa kubulwa buyuki;+Bantu babo ba ntumbo bakekala na nzala;+Kadi bantu babo bonso bakafwa kyumwa. 14  O mwanda Kibundu* kibebaija akyo kine*Kadi kibaasama kyakanwa kyakyo bininge;+Buya bwandi bwa dyangi,* bibumbo byandi bitūta kyungwe, ne bantu bandi basepelelaBakatūkila’mo binebine. 15  Kadi muntu ukatūkijibwa munshi,Muntu ukatūkijibwa,Kadi meso a ba kwizunzula akatūkijibwa. 16  Yehova wa bibumbo ukazunzulwa na butyibi* bwandi;Leza wa bine, Mwine Ujila,+ ukepandula kupityila ku boloke.+ 17  Kadi twana twa mikōko tukadya pamo bwa mu madyo ato;Beni ba kibundi bakadya mu masala a banyema banune. 18  Malwa abo boba babulula mambo abo na myonji ya bongojaniNe bubi bwabo na myonji ya dikalo; 19  Boba banena’mba: “Apelakanye mwingilo wandi;Wiye bukidibukidi amba twiumone. Mpango ya* Mwine Ujila wa Isalela ifikidileAmba twiiyuke!”+ 20  Malwa abo boba banena kiyampe amba i kibi ne kibi nakyo amba i kiyampe,+Boba bashintakanya fukutu na kitōkeji ne kitōkeji nakyo na fukutu, Boba batūla kilula bu kitobala ne kitobala nakyo bu kilula! 21  Malwa abo boba ba tunangu mu meso a abo beneNe badyumuke mu meso a abo bene!+ 22  Malwa abo boba bakomo mu kutoma vinyuNe bantu ba bwino mu kutyanga bitomibwa bikolwañana,+ 23  Boba babingija mubi mwanda wa kutyibwa milomo+Ne boba bapela kubingija moloke!+ 24  Nanshi, monka musōkelanga lubimbi lwa mudilo bityakukuNe mutēmenanga biyombo byūmu mu lubimbi,Miji yabo ikabola,Kadi maluba abo akakusankana’nka bwa bukula,Mwanda bapelele kijila kya* Yehova wa bibumboNe kufutulula kinenwa kya Mwine Ujila wa Isalela.+ 25  O mwanda bulobo bwa Yehova bubaakila bantu bandi,Kadi ukōlola kuboko kwandi pobadi ne kwibakupila.+ Ngulu ikatenkana,Kadi imbidi yabo mifwe ikekala pamo bwa bya busala mu bipito.+ Pa mwanda wa bino byonso, bulobo bwandi kebujokelepo kunyuma,Ino kuboko kwandi i kōlole’nka kōlola mwanda wa kukupila. 26  Washimika kiyukeno* ku muzo wa kulampe;+Webete mu muluji bāye tamba ku mafulo a ntanda;+Kadi tala! boba bāya lubilo.+ 27  I kutupu nansha umo mobadi wakōka nansha kukukala. Kutupu ukunuka nansha ulēle. Mukaba wa mu kifuka kyabo keukutulukilepo,Nansha nkamba ya bikwabilo byabo kuketeka mpika. 28  Miketo yabo yonso idi na bui,Kadi mata abo onso a miketo i makane.* Mikono ya tubalwe twabo idi pamo bwa dibwe dikomo,Kadi matonto abo adi pamo bwa luvula lwa kimpumpu.+ 29  Kubuluma kwabo kudi pamo bwa kwa ntambo;Babulumanga pamo bwa bantambo bana.*+ Bakabuluka ne kukwata kikwatwaNe kwikisela pampikwa nansha umo wa kwikikūla. 30  Mu dyodya difuku bakekibulukilaPamo bwa kubuluma kwa dijiba.+ Ense utala ntanda’ya ukamona fukutu ya malwa;Enka ne kitōkeji kibafīta mwanda wa makumbi.+

Kunshi kwa Dyani

Nansha’mba “bikunanwa.”
Kishima pa kishima i, “dikumi mu bula.”
Nansha’mba “Sheole,” ko kunena’mba, kibundu kya bantu bonso. Tala Nshintulwilo ya Bishima.
Nansha’mba “kibabaija muya wakyo.”
Nansha’mba “ba bulēme bandi.”
Nansha’mba “boloke.”
Nansha’mba “Butyibi bwa; Madingi a.”
Nansha’mba “bulombodi bwa.”
Nansha’mba “mutyi wa kiyukeno.”
Nansha’mba “mapanze.”
Nansha’mba “bantambo bana ba manyenze.”