Isaya 24:1-23

  • Yehova ukashiya ntanda bitupu (1-23)

    • Yehova Mulopwe mu Ziona (23)

24  Tala! Yehova watalula bantu bonso pa ntanda* ne kwiisala.+ Weifulamika*+ ne kupalakanya bekadi bayo.+   Bikekala muswelo umo ku bantu bonso: Ku bantu ne kudi kitobo,Kudi mwingidi ne kudi mfumwandi,Kudi mwingidi ne kudi mfumwandi mwana-mukaji,Kudi yewa upota ne kudi yewa upoteja,Kudi yewa wajimija ne kudi yewa wajima,Kudi yewa wapuja ne kudi yewa wapula.+   Bantu bonso bakatalulwa pa ntanda;Ikatūtwa tūtwē,+Mwanda Yehova wesambe kino kinenwa.   Ntanda ibadila madilo;*+ ibashinika. Ntanda ya bumeni ibafumba; ibajimankana. Bantu ba bulēme ba pa ntanda abafumba.   Ntanda ibasubijibwa na bekadi bayo,+Mwanda abapumpunya bijila,+Abashinta musoñanya,+Abatyumuna kipwano kya myaka na myaka.*+   O mwanda mafingo abasasamuna ntanda,+Kadi boba bekele’mo abapi mambo. O mwanda bekadi ba ntanda abatyepa,Kadi kubashala bantu batyetye bininge.+   Vinyu mipya ibadila madilo,* muñanza ubafumba,+Kadi boba bonso badi na nsangaji ku mutyima babinzanga.+   Nsangaji ya mañoma ibapu;Lunwa lwa basepelela lubafule;Kuvuma kusangaja kwa lunsense kubapu.+   Batomanga vinyu kwampikwa lwimbo,Kadi bitomibwa bikolwañana bibaludila boba bebitoma. 10  Kibundi kisalwe kibapone;+Njibo yonso i mishitwe kutyina’mba muntu wakatwela’mo. 11  Badilanga mwanda wa vinyu mu bipito. Nsangaji yonso ibajimina;Kusepelela kwa ntanda ne kokwaya jimejime.+ 12  Kibundi i kishibwe masala; Kibelo i kityumunwe bipindibipindi.+ 13  Mwanda bikekala namino mu ntanda, mu bukata mwa bantu: Monka mobikadilanga kitatyi kikukulwa umpafu,+Pamo bwa kukōkolola kitatyi kifulanga mwangulo wa mañanza.+ 14  Bakatulula mawi abo,Bakela nsadi ya tusepo. Bakasapula bukatampe bwa Yehova tamba ku dijiba.*+ 15  O mwanda bakatumbija Yehova mu ntanda ya kitōkeji;*+Bakatumbija dijina dya Yehova Leza wa Isalela+ mu bisanga bya dijiba. 16  Twivwananga ñimbo tamba ku mfulo ya ntanda’mba: “Ntumbo* kudi Yewa Moloke!”+ Ino nanena’mba: “Nashinika, nashinika! Malwa ami! Bandalandala abalonga bya bundalandala;Na bundalandala, bandalandala abalonga bya bundalandala.”+ 17  Luzakalo ne lubao ne bidiba bikutengele, abe mwikadi wa ntanda.+ 18  Ense unyema lunwa lwa luzakalo ukaponena mu lubao,Kadi ense wabuka mu lubao ukakwatwa mu kidiba.+ Mwanda malolo a mūlu akashitulwa,Kadi byalwilo bya ntanda bikatenkana. 19  Ntanda ibasabika;Ntanda ibatenkana;Ntanda ibafuluba bibibibi.+ 20  Ntanda ibalunduka pamo bwa muntu mukolwe,Kadi ibatenkana koku ne koku pamo bwa kōbo mu kivula. Kujilula kwayo kubeilēmena bininge,+Kadi isa kupona, byokeikabwanyapo kubūka dikwabo. 21  Mu dyodya difuku Yehova ukata mutyima ku kibumbo kya momwa mūlu mulampeNe ku balopwe ba ntanda pano pa ntanda. 22  Kadi bakakongakanibwa pamoPamo bwa bakutwa bakongakanibwa mu kīna,Kadi bakashityilwa mu kifungo;Kupwa kwa mafuku mavule, bakebata mutyima. 23  Kweji mutuntulu ukakolelwa,Dyuba ditēma dikafwa bumvu,+Mwanda Yehova wa bibumbo wabikala ke Mulopwe+ mu Lūlu lwa Ziona+ ne mu Yelusalema, Wa ntumbo ku meso a bakulumpe ba bantu bandi.*+

Kunshi kwa Dyani

Nansha’mba “pano panshi.”
Nansha’mba “Wanyengakanya mpala yayo.”
Bibwanika padi i, “ibaume.”
Nansha’mba “kya kala.”
Bibwanika padi i, “ibaume.”
Nansha’mba “kushika.”
Nansha’mba “kutunduka.”
Nansha’mba “Bya kudyangula.”
Kishima pa kishima i, “ku meso a bakulumpe bandi.”