Habakuka 1:1-17

  • Kwabija kwa mupolofeto (1-4)

    • ‘A Yehova, i kufika ne kitatyi’ka?’ (2)

    • “Mwanda waka utala masusu bitupu?” (3)

  • Bene Kaladea, kingidilwa kya Leza kya butyibi (5-11)

  • Mupolofeto uzenza Yehova (12-17)

    • ‘A Leza wami, abe kufwangapo’ (12)

    • ‘Utōkanga bininge kufwaninwepo kumona kibi’ (13)

1  Musapu watambwile mupolofeto Habakuka* mu kimonwa:   A Yehova, le nkakwabija kufika ne kitatyi’ka, ino abe kwivwana mpika?+ Le nkalomba unkwashe ku lūma kufika ne kitatyi’ka, ino abe kulonga’po kintu* mpika?+   Mwanda waka ubalengeja mone bilongwa bibi? Ne mwanda waka utala masusu bitupu? Mwanda waka bonakani ne lūma bidi ku meso ami? Ne mwanda waka lupotopoto ne bulwi bibavula nenki?   O mwanda bukomo bwa kijila bubajimina,Boloke kebukilondwapo nansha dimo. Mwanda mubi ujokolokele moloke;O mwanda boloke bubanyengakanibwa.+   “Talai mu bukata mwa mizo ne kuta mutyima! Talai byakanwa pululu ne kwana;Mwanda kudi kintu kikalongeka mu enu mafukuKyokemuketabijapo nansha shi kibemusapwilwa.+   Mwanda nsa kulangula bene Kaladea,+Muzo wampikwa kafuku kadi wa kiyumbye. Bakombelejanga byaba bikatampe bya ntandaMwanda wa kukwata mobo ke abopo.+   Bazakajanga ne kulenga moyo. Batūlanga boloke ne lupusa lwa* abo bene.+   Tubalwe twabo tudi lubilo kupita bangé,Kadi i bakalabale kupita bampumpi bufuku.+ Tubalwe twabo twa divita tutumbukanga masumba twenda kumeso;Tubalwe twabo tutambanga kulampe. Batūkanga pamo bwa mukebo wipangila kudya.+   Abo bonso bāyanga basumininwe mwanda wa lūma.+ Kukongakanibwa kwa mapala abo kudi pamo bwa kivula kya kutunduka,+Kadi batekunanga misungi pamo bwa musenga. 10  Bapunikanga balopweNe kusepa bengidi bakatampe ba bulēme.+ Basepanga kifuko kyonso kikomejibwe;+Bongwijanga ndunduma wa busala ne kwikikwata. 11  Kupwa baenda kumeso pamo bwa luvula, bapita’mo,Ino bakekala na mambo,+Mwanda batumbijanga leza wabo pa bukomo bwabo.”*+ 12  A Yehova, mwene abe wi wa tamba nyeke ne nyeke?+ A Leza wami, Mwine Ujila wami, kufwangapo.*+ A Yehova, webatongele mwanda wa kufikidija butyibi;A Dibwe dyami,+ webatūdile mwanda wa mfuto.*+ 13  Meso obe atōkanga bininge keafwaninwepo kumona kibi,Kadi kubwanyapo kutala bubi bitupu.+ Penepo, mwanda waka utala bundalandala bitupu+Ne kuba talala mubi pamina moloke kumupita?+ 14  Mwanda waka ubaalamuna muntu kadi pamo bwa mwita wa mu dijiba,Pamo bwa bintu bilandala kebidipo na mulopwe? 15  Aye* ukokanga bano bonso na ndobo. Wibakwatanga mu bukonde bwandi bwa nkokwa,Ne kwibakongakenya mu bwanda bwandi. O mwanda usangele bininge.+ 16  O mwanda ulambulanga bukonde bwandi bwa nkokwa bitapwaNe kutapila bwanda bwandi* bitapwa;Mwanda bibapeteja* kipindi kyandi,Ne kulumbulula byakudya byandi. 17  Le penepo aye ukendelela konzola ku bukonde bwandi bwa nkokwa?* Le ukendelela kutapa mizo pampikwa lusa?+

Kunshi kwa Dyani

Pakwabo kishintulula’mba “Kufumbakanya Bininge.”
Nansha’mba “kupandija.”
Nansha’mba “bulēme bwa.”
Bibwanika padi i, “bukomo bwabo i leza wabo.”
Bibwanika padi i, “ketukafupo.”
Nansha’mba “mwanda wa madingi.”
Ko kunena’mba, walwana mwine Kaladea.
Nansha’mba “kufitwila bwanda bwandi mwishi wa.”
Kishima pa kishima i, “bibaela māni biyampe ku.”
Bibwanika padi i, “ukendelela kukulumuna kipete?”