Ezekyele 6:1-14

  • Pa ngulu ya Isalela (1-14)

    • Bilezaleza bya mukenye bikafwijibwa bumvu (4-6)

    • “Mukayuka’mba ami ne Yehova” (7)

6  Kinenwa kya Yehova kyaiya monka kondi amba:  “Mwanā muntu, tadija mpala yobe ku ngulu ya Isalela wiinenene bupolofeto bubi.  Ukanena’mba, ‘A ngulu ya Isalela, ivwanai kinenwa kya Mfumu Mwinē Lupusa Lonso Yehova: Mfumu Mwinē Lupusa Lonso Yehova wanena ngulu, ne mikuna, ne tuminonga, ne misanza amba: “Talai! Nsa kwimuletela kipete kadi nsa konakanya mitenta yenu.  Bisōkelo byenu bikatūtwa, bisōkelo byenu bya ensense nabyo bikatyumunwa,+ kadi nkaponeja batapwe benu ku meso a bilezaleza byenu bya mukenye.*+  Nkela imbidi mifwe ya bantu ba Isalela ku meso a bilezaleza byabo bya mukenye, kadi nkakusakanya mikupa yenu kufulakufula kwa bisōkelo byenu.+  Mu bifuko byonso momushikete, bibundi bikasalwa+ kadi mitenta ikapomonwa ne kusalwa.+ Bisōkelo byenu bikapomonwa ne kuvingakanibwa, bilezaleza byenu bya mukenye bikoneka, bisōkelo byenu bya ensense bikatyumunwa, kadi mingilo yenu ikajimankanibwa.  Boba batapwe bakapona mu bukata mwenu,+ kadi mukayuka’mba ami ne Yehova.+  “‘“Ino nkashiya bashele’ko, mwanda bamo momudi bakapanda ku kipete mu mizo kitatyi kyomukapalakanibwa ku matanda.+  Kadi boba bakapanda bakamvuluka mu mizo kobakaselelwa bu misungi.+ Bakayuka’mba natyumukilwe mutyima pa mwanda wa mutyima wabo wampikwa kikōkeji* wansāsukile+ ne pa mwanda wa meso abo evwanina kilokoloko* bilezaleza byabo bya mukenye.+ Bakafwijibwa bumvu ne kukwatyilwa mukenye bintu byonso bibi ne bya munyanji byobalonga.+ 10  Bakayuka’mba ami ne Yehova ne amba binenwa byami bya kwibaletela kyamalwa ke bya bitupupo.”’+ 11  “Mfumu Mwinē Lupusa Lonso Yehova wanena namino amba: ‘Kupila makasa obe ne kutūtula kulu kobe ne kudila pa bibi byonso ne bintu bya munyanji bilongele njibo ya Isalela, mwanda bakapona ku kipete, ku kipupo kya nzala, ne ku kipupo kya misongo.+ 12  Yewa udi kulampe ukafwa ku kipupo kya misongo, yewa udi kubwipi ukapona ku kipete, yewa ense upanda ku bino’bi kadi ushele mūmi ukafwa ku kipupo kya nzala; ami nkalekelela ne pa mfulo bukalabale bwami pobadi.+ 13  Kadi banwe mukayuka’mba ami ne Yehova,+ pakalāla batapwe babo mu bukata mwa bilezaleza byabo bya mukenye, ne kufulakufula kwa bisōkelo byabo,+ pa mukuna onso mulampe, pa nsongo ya ngulu yonso, munshi mwa mutyi onso muvwambile, ne munshi mwa misambo ya mityi mikatampe mobalambwidile byamulambu bya mwenye* bya kutalaja nabyo mutyima wa bilezaleza byabo bya mukenye.+ 14  Nkōlola kuboko kwami pobadi ne kusala ntanda, kadi bīkalo byabo byonso bikasalwa bininge kupita mu ntanda mutuputupu kubwipi na Dibela. Ebiya bakayuka amba ami ne Yehova.’”

Kunshi kwa Dyani

Kishima kya Kihebelu kibwanya kukwatañana na kishima “tuvwi” kadi i kingidijibwe mu muneneno wa kafutululo.
Nansha’mba “wa busekese; buenda.”
Nansha’mba “alonda bya busekese.”
Nansha’mba “mobalambwidile luvumba luyampe.”