Ezekyele 28:1-26

  • Bupolofeto padi mulopwe wa Tyila (1-10)

    • “Ami ne leza” (2, 9)

  • Lwimbo lwa bulanda padi mulopwe wa Tyila (11-19)

    • “Wadi mu Edena” (13)

    • “Kelubi mushingwe māni wa kupūta” (14)

    • ‘Bukondame bwatenwe modi’ (15)

  • Bupolofeto pa Shidona (20-24)

  • Isalela ukajokejibwa (25, 26)

28  Kinenwa kya Yehova kyaiya monka kondi amba:  “Mwanā muntu, sapwila mutangidiji wa Tyila amba, ‘Mfumu Mwinē Lupusa Lonso Yehova wanena namino amba: “Mutyima obe byowezunzula,+ unenanga’nka kunena’mba, ‘Ami ne leza. Nshikete pa lupona lwa leza mu bukata bwa dijiba.’+ Ino wi muntu bitupu, ke wi lezapo,Nansha byolanga mu mutyima obe amba wi leza.   Tala! Udi na tunangu kutabuka Danyele.+ I kutupu kifibwe nansha kimo kyofilwe.   Ubepeteja na tunangu tobe ne kusansanya kobe,Kadi ubīkanga’nka kubīka olo ne ndalama mu bibīko bya byabulēme byobe.+   Busunga bobe bwa bwino bwakuletēle bupeta bungi,+Kadi mutyima obe wezunzwile bininge pa mwanda wa bupeta bobe.”’  “‘O mwanda Mfumu Mwinē Lupusa Lonso Yehova wanena namino amba: “Byowimona bu leza mu mutyima obe,   Nsa kukuletela beni, mizo yampikwa kafuku,+Kadi bakasomwena buya bwa tunangu tobe kipete kyaboNe kusubija buya bobe bwa dyangi bwa ntumbo.+   Bakakutūkija mu kīna,*Kadi ukafwa lufu lubi mu bukata bwa dijiba.+   Le ukanena yewa ukwipaya’mba, ‘Ami ne leza’? Ukekala muntu bitupu, ke bu lezapo, mu kuboko kwa boba bakusubija.”’ 10  ‘Ukafwila mu kuboko kwa beni lufu lwa bantu ba kubulwa kutwela kwisao,Mwanda ami mwine nesambe’kyo,’ i Mfumu Mwinē Lupusa Lonso Yehova unena.” 11  Kadi kinenwa kya Yehova kyaiya monka kondi amba: 12  “Mwanā muntu, imbila mulopwe wa Tyila lwimbo lwa bulanda,* mulombole amba, ‘Mfumu Mwinē Lupusa Lonso Yehova wanena namino amba: “Abe wadi kimfwa kya bubwaninine,*Muyule tunangu+ kadi wa buya bubwaninine.+ 13  Wadi mu Edena, budimi bwa Leza. Wadi muneñenibwe na mabwe onso a bulēme—Lubi, topaze, ne yasepe;kisodite, onikise, ne yade; safile, tilekwaze,+ ne emelode;Kadi tubipungwa twao ne twa kukwatyija nato twadi twa olo. Byalongolwelwe difuku dyowapangilwe. 14  Nakutūdile bu kelubi mushingwe māni wa kupūta. Wadi pa lūlu lujila lwa Leza,+ kadi wadi unangakana mu mabwe a mudilo. 15  Wadi wampikwa kilubo mu mashinda obe tamba difuku dyowapangilweKufika ne byatenwe bukondame modi.+ 16  Pa mwanda wa busunga bobe bungibungi,+Wayudilwe lūma, washilula kulonga bubi.+ O mwanda nkakwela bu kintu kikobakane tamba ku lūlu lwa Leza ne kukonakanya,+Abe kelubi wa kupūta, kulampe na mabwe a mudilo. 17  Mutyima obe wezunzwile mwanda wa buya bobe.+ Waonene tunangu tobe pa mwanda wa buya bobe bwa dyangi bwa ntumbo.+ Nkakwela panshi.+ Nkakwalamuna kodi kintu kya kubandilwa ku meso a balopwe. 18  Ubakobakanya bipandulwe byobe pa mwanda wa mambo obe makatampe ne busunga bobe bwa budimbidimbi. Nkalengeja mudilo wake mu bukata mobe, kadi ukakusōka.+ Nkakwalamuna kodi buto pa ntanda ku meso a boba bonso bakutala. 19  Bantu bonso badi bakuyukile bakakutala byakanwa pululu.+ Mfulo yobe ikekala ya mu kitulumukila kadi mibimibi,Kadi kukekala’kopo kitatyi kyonso.”’”+ 20  Kadi kinenwa kya Yehova kyaiya monka kondi amba: 21  “Mwanā muntu, tadija mpala yobe ku Shidona,+ kadi nena bupolofeto pādi. 22  Ukanena’mba, ‘Mfumu Mwinē Lupusa Lonso Yehova wanena namino amba: “A Shidona, nsa kulwa nobe, kadi nkatumbijibwa mu bukata mobe;Penepo bantu bakayuka’mba ami ne Yehova ponkafikidija butyibi pādi ne kupandulwa mu bukata mwandi. 23  Nkatuma kipupo kya misongo mwadi, kadi mashi akakuka mu bipito byandi. Batapwe bakapona mu bukata mwandi pakamwiila kipete ku mitamba yonso;Penepo bakayuka’mba ami ne Yehova.+ 24  “‘“Penepo njibo ya Isalela keikajokolokwapo monka na tumityi twa miba tutapana ne miba isansa,+ boba bebafutulula; penepo bantu bakayuka’mba ami ne Mfumu Mwinē Lupusa Lonso Yehova.”’ 25  “‘Mfumu Mwinē Lupusa Lonso Yehova wanena namino amba: “Ponkakongakanya monka njibo ya Isalela kutamba ku bantu kobapalakenine,+ nkapandulwa mu bukata mwabo ku meso a mizo.+ Bakekala mu ntanda+ yabo yonapele mwingidi wami Yakoba.+ 26  Bakekala’mo na mutyima-ntenke+ ne kūbaka mobo ne kudima madimi a mañanza,+ kadi bakekala na mutyima-ntenke kitatyi kyonkafikidija butyibi pa boba bonso bebajokolokele bebafutulula;+ penepo bakayuka’mba ami ne Yehova Leza wabo.”’”

Kunshi kwa Dyani

Nansha’mba “kibundu.”
Nansha’mba “lwimbo lwa madilo.”
Kishima pa kishima i, “wadi ushiya pa kulondela.”