Divilu 39:1-43

  • Kulonga bivwalwa bya butobo (1)

  • Efoda (2-7)

  • Kivwalwa kya pa kyadi (8-21)

  • Kotyi wampikwa maboko (22-26)

  • Bivwalwa bikwabo bya butobo (27-29)

  • Kipāpo kya olo (30, 31)

  • Mosesa ubandaula kipema (32-43)

39  Na nyushi ifītuluka, ne myoya ityilakana, ne bityila pyā,+ balonga bivwalwa bisuke biyampe bya kwingila nabyo mu kifuko kijila. Balonga bivwalwa bijila bya Alone,+ monka mobasoñaninye Mosesa kudi Yehova.  Walonga efoda+ wa olo, nyushi ifītuluka, myoya ityilakana, bityila pyā ne bukonge bulumbuluke bujinge.  Bafula na kitotwa bipāpo bya olo ke malata apēla, weaketa ke nsambo ya kubweja ku nyushi ifītuluka, myoya ityilakana, bityila pyā, ne bukonge bulumbuluke, kadi wadi mutungule.  Bamulongela tubipēta twa pa bipuji tulamike, kadi wadi mwilunge nato ku yoi mfulo ne yoi.  Ne kikaya* kisuke, kilamike ku efoda mwanda wa kumukuta biyampe,+ kyadi kilongwe na bintu bimo byonka, olo, nyushi ifītuluka, myoya ityilakana, bityila pyā, ne bukonge bulumbuluke bujinge, monka mobasoñaninye Mosesa kudi Yehova.  Ebiya bakuja mabwe a onikise mu tubipungwa twa olo, balemba’po majina a bana ba Isalela, enka mobalembelanga pa kashé.+  Weela pa tubipēta twa pa bipuji bya efoda bu mabwe a kivulukilo kudi bana ba Isalela,+ monka mobasoñaninye Mosesa kudi Yehova.  Kupwa walonga kivwalwa kya pa kyadi+ na busendwe bwa muntu utungulanga bisandi, pamo bwa busendwe bwa efoda, kya olo, ne nyushi ifītuluka, ne myoya ityilakana, ne bityila pyā, ne bukonge bulumbuluke bujinge.+  Kyadi na mitamba iná ya bula bumo shi i kikonye pabidi. Balonga kivwalwa kya pa kyadi, shi kikonye pabidi, kyadi na bula bwa dikasa dimo* mu bula ne mu bunkimbwa. 10  Baela’ko milongo iná ya mabwe. Mulongo mubajinji lubi, topaze, ne emelode. 11  Mulongo wa bubidi tilekwaze, safile, ne yasepe. 12  Mulongo wa busatu dibwe dya lesheme,* angate, ne ametesete. 13  Mulongo wa buná kisodite, onikise, ne yade. Adi makwike mu tubipungwa twa olo. 14  Mabwe’a adi mwendele majina a bana ba Isalela 12, kadi majina adi malembwe’po pamo bwa kashé, dijina ne dijina dyelekeja kisaka kimo mu bisaka 12. 15  Penepa balonga miyololo mijinge ku kivwalwa kya pa kyadi, pamo bwa myonji ya olo yonkayonka.+ 16  Kadi balonga tubipungwa tubidi twa olo ne nzenze ibidi ya olo, balamika nzenze ibidi’ya ku mafinko abidi a kivwalwa kya pa kyadi. 17  Kupwa bakobeka myonji ibidi ya olo mu nzenze ibidi idi ku mafinko a kivwalwa kya pa kyadi. 18  Ebiya bakobeka mafulo abidi a myonji ibidi mu tubipungwa tubidi, betulamika ku tubipēta twa pa bipuji dya kumeso kwa efoda. 19  Kupwa balonga nzenze ibidi ya olo, beyela ku mafulo abidi ku mulomo dya munda mwa kivwalwa kya pa kyadi, utadidile efoda.+ 20  Ebiya balonga nzenze mikwabo ibidi ya olo, beyela kumeso kwa efoda, munshi mwa tubipēta twa pa bipuji, dya popa pobitanina, peulu pa nungilo ya kikaya* kisuke kya efoda. 21  Kupwa, bakuta kivwalwa kya pa kyadi na monji ufītuluka tamba ku nzenze yakyo kutūla ku nzenze ya efoda, mwanda wa kukwatyija kivwalwa kya pa kyadi ku efoda, kūlu kwa kikaya* kisuke, monka mobasoñaninye Mosesa kudi Yehova. 22  Penepo walonga kotyi wampikwa maboko wa efoda, musukwe na sendwe usukanga bisandi, ense wa nyushi ifītuluka.+ 23  Kipunzu kya kotyi wampikwa maboko kyadi pa bukata, pamo bwa kipunzu kya kotyi wa byuma. Kipunzu kyandi kyadi na kamulomo kufulakufula kutyina’mba kwakasanika. 24  Ebiya ku milomo ya kotyi wampikwa maboko balonga’ko mangelenade a nyushi ifītuluka, ne myoya ityilakana, ne bityila pyā, bijingile pamo. 25  Kadi balonga ndibu ya olo yonkayonka, baela ndibu’ya pa bukata bwa mangelenade kufulakufula konso kwa milomo ya kotyi wampikwa maboko, pa bukata bwa mangelenade; 26  badi bashintakanya papa ludibu papa ngelenade, papa ludibu papa ngelenade, kufulakufula konso kwa milomo ya kotyi wampikwa maboko, wa kwingila nandi, monka mobasoñaninye Mosesa kudi Yehova. 27  Kadi balonga minkukumba ya bukonge bulumbuluke, misukwe na sendwe usukanga bisandi, ya Alone ne bandi bana,+ 28  ne kivwalwa kya ku mutwe+ kya bukonge bulumbuluke, kapūto ka kwidyangula nako+ ka bukonge bulumbuluke, tuputula* twa bukonge+ bulumbuluke bujinge, 29  ne lukuka lwa bukonge bulumbuluke bujinge, ne nyushi ifītuluka, ne myoya ityilakana, ne bityila pyā bisukile pamo, monka mobasoñaninye Mosesa kudi Yehova. 30  Ebiya balonga kipāpo kikelema, kiyukeno kijila kya kwipāna,* kya olo yonkayonka balemba’po kilembwa enka mulembelwanga pa kashé amba: “Buujila i bwa Yehova.”+ 31  Bakutyila’ko monji mulongwe na nyushi ifītuluka mwa kwikyelela ku kivwalwa kya ku mutwe, monka mobasoñaninye Mosesa kudi Yehova. 32  Penepo mwingilo onso wa kipema, pema wa kubungakena’ko, wapwa, kadi bene Isalela balonga byonso byobasoñenye Mosesa+ kudi Yehova. Balonga enka nabya. 33  Kupwa baletela Mosesa kipema,+ pema+ ne bipungwa byandi byonso: malobo andi,+ makadelema andi,+ mikabo yandi+ ne bikomo byandi ne bitako byandi bya mapuki;+ 34  kya kupūta’po kya biseba bya mikōko byabike mu mwīno utyila,+ kya kupūta’po kya biseba bya foke, ne mpashila ya kukinga’ko;+ 35  sanduku wa Bukamoni ne mitembo+ ne mpūto;+ 36  meza, ne bipungwa byao byonso+ ne mikate milombolwe; 37  kitūlwa-binanu kya olo yonkayonka, ne binanu,+ mulongo wa binanu, ne bipungwa byakyo byonso+ ne māni a kumunika nao;+ 38  kisōkelo+ kya olo, māni a kushinga,+ ensense ya mananshi,+ kya kukinga*+ ku kibelo kya pema; 39  kisōkelo kya mukuba+ ne seketa wakyo wa mukuba, mitembo+ yakyo, ne bipungwa byakyo byonso,+ kyoilo ne kitako kyakyo;+ 40  mampashila ayela a kipango, ne bikomo byakyo ne bitako bya mapuki,+ ne kya kukinga*+ ku kibelo kya kipango, ne myonji ya pema wakyo ne bikomo bya pema+ wakyo ne bipungwa byonso bya kwingila nabyo ku kipema, pema wa kubungakena’ko; 41  bivwalwa bisuke biyampe bya kwingila nabyo mu kipandulwe, bivwalwa bijila bya Alone kitobo,+ ne bivwalwa bya bandi bana mwa kwingidila bu babitobo. 42  Bene Isalela baingila mwingilo onso,+ mwendele byonso byobasoñenye Mosesa kudi Yehova. 43  Mosesa pa kupempula mwingilo wabo onso, wamona’mba abewingila monka mwasoñaninye Yehova; ebiya Mosesa webesela dyese.

Kunshi kwa Dyani

Nansha’mba “mutolo wa mu kifuka.”
Kintu kya masantimetele 22,2. Tala Mbwejo B14.
Dibwe dya bulēme dyampikwa kuyukana senene, pakwabo kifunkila pa ambele, yasente, opale, nansha tumaline.
Nansha’mba “mutolo wa mu kifuka.”
Nansha’mba “mutolo wa mu kifuka.”
Nansha’mba “bivwalwa bya munshi.”
Nansha’mba “nkaka ujila.”
Nansha’mba “mpashila.”
Nansha’mba “mpashila.”