Divilu 31:1-18

  • Basendwe abayulwa mushipiditu wa Leza (1-11)

  • Sabato, kiyukeno pa bukata bwa Leza ne Isalela (12-17)

  • Bipāpo bibidi bya mabwe (18)

31  Yehova wanena Mosesa monka’mba:  “Tala, natonge* Bezalela+ mwanā Udi mwanā Hula wa ku kisaka kya Yuda.+  Nkamuyujanga mushipiditu wa Leza, nkamupa tunangu, ñeni, ne buyuki bwa miswelo yonso ya busendwe,  mwanda wa kulonga bipungwa bya busendwe, kwingila na olo, na ndalama, ne mukuba,  mwanda wa kusōnga mabwe ne kwiakwika,+ ne kupunga miswelo yonso ya bipungwa bya mityi.+  Kadi, mwanda wa kumukwasha natonge Ohodiaba+ mwanā Ahisamaki wa ku kisaka kya Dani, nsa kutūla tunangu mu mutyima wa boba bonso ba bwino,* amba balonge bintu byonso byonakusoñanya:+  pema wa kubungakena’ko,+ sanduku wa Bukamoni+ ne mpūto+ idi’po, bipungwa byonso bya mu pema,  meza+ ne bipungwa byao, kitūlwa-binanu kya olo yonkayonka ne bipungwa byakyo byonso,+ ne kisōkelo kya ensense,+  kisōkelo kya kyamulambu kisōkwe+ ne bipungwa byakyo byonso, kyoilo ne kitako kyakyo,+ 10  bivwalwa bisuke biyampe, bivwalwa bijila bya Alone kitobo, bivwalwa bya bandi bana mwa kwingidila bu babitobo,+ 11  māni a kushinga, ne ensense ya mananshi ya mu kipandulwe.+ Bakalonga bintu byonso byonakusoñanya’bi.” 12  Yehova wanena monka Mosesa amba: 13  “Wisambe na bene Isalela ne kwibasapwila’mba, ‘Bine, mufwaninwe kulama masabato ami,+ mwanda i kiyukeno pa bukata bwa ami ne banwe mu nkongo yenu mwanda wa muyuke amba i amiwa, Yehova, wimupandula. 14  Mufwaninwe kulama dya Sabato, mwanda i kintu kijila komudi.+ Yewa wa kujilula’dyo ufwaninwe kwipaibwa. Shi muntu waingila’mo mwingilo o-onso, nankyo yao muntu* ufwaninwe kutyibwa’ko* mu bantu bandi.+ 15  Mingilo ikengilwa mu mafuku asamba, ino difuku dya busamba-bubidi i dya sabato dya kukōkolokwa ku byonso.+ I kintu kijila kudi Yehova. Muntu ense wingila mu difuku dya Sabato ufwaninwe kwipaibwa. 16  Bene Isalela bafwaninwe kulama dya Sabato; bafwaninwe kulama dya Sabato mu nkongo yabo yonsololo. I kipwano kya myaka na myaka. 17  I kiyukeno kya nyeke pa bukata bwa ami ne bantu ba Isalela,+ mwanda mu mafuku asamba Yehova wālongele diulu ne ntanda ino mu difuku dya busamba-bubidi wākōkolokwa ne kwitūkija.’”+ 18  Ebiya aye pa kupwa kwisamba nandi pa Lūlu lwa Shinai, wapa Mosesa bipāpo bibidi bya Bukamoni,+ bipāpo bya mabwe bilembwe na munwe wa Leza.+

Kunshi kwa Dyani

Kishima pa kishima i, “naite pa dijina.”
Kishima pa kishima i, “ba tunangu twa mutyima.”
Nansha’mba “muya.”
Nansha’mba “kwipaibwa.”