Bilongwa bya Mafuku wa Bubidi 14:1-15

  • Lufu lwa Abidya (1)

  • Asa, mulopwe wa Yuda (2-8)

  • Asa wanekenya bene Efiopya 1 000 000 (9-15)

14  Kupwa Abidya walādikwa mwanda wa kukōkolokwa na bakulutuba bandi, bamujīka mu Kibundi kya Davida;+ ebiya wandi mwana Asa wabikala pa kyandi kyaba. Mu mafuku andi ntanda yakōkolokelwe mu myaka dikumi.  Asa walongele biyampe ne byoloke ku meso a Yehova Leza wandi.  Wafundwile bisōkelo byeni+ ne mitenta, wavingakanya bikomo bikola,+ watyumuna ne bipanda bikola.*+  Ne kadi wasapwila Yuda akimbe Yehova Leza wa bakulutuba babo kadi alame Bijila ne mbila.  Ebiya wafundula mitenta ne bisōkelo bya ensense+ mu bibundi byonso bya Yuda, kadi mu buludiki bwandi, bulopwe kebwadipo bukambakanibwa.  Waubaka bibundi bikomejibwe mu Yuda,+ mwanda ntanda keyadipo ikambakanibwa kadi kebamulwilepo divita mu myaka’ya, mwanda Yehova wamupele kukōkolokwa.+  Wanenene Yuda amba: “Tūbakei bino bibundi ne kwibijokoloja na mumbu ne biteba,+ bibelo* ne mikabo. Mwanda ntanda ikidi mu makasa etu, ke-pantu twakimbile Yehova Leza wetu. Twakimbile, aye nandi wetupe kukōkolokwa ku mitamba yonso.” O mwanda babwenye kūbaka.+  Asa wadi na kibumbo kya divita kya bana-balume 300 000 ba Yuda, belumbile mangabo makatampe ne mikobe. Ku Benjemani nako kwadi ba bulwi bakomokomo 280 000 badi baselele mangabo matyematye* kadi belumbile mata a miketo.*+  Mwenda mafuku Zela mwine Efiopya waiya kwibatamba na kibumbo kya divita kya bana-balume 1 000 000 ne makalo 300.+ Aye pa kufika ku Malesha,+ 10  Asa watamba kulwa nandi, bepanga mu milongo ya bulwi mu Musanza wa Zefata ku Malesha. 11  Penepo Asa waabija Yehova Leza wandi,+ kanena’mba: “A Yehova, boba bokwasha bekale bangi nansha ba kubulwa bukomo,+ kobe ke mwandapo. Witukwashe, a Yehova Leza wetu, mwanda tukwikulupīle,*+ kadi tubaiya mu dijina dyobe kulwa na kino kibumbo.+ A Yehova, abe wi Leza wetu. Kokaleka muntu wa kufwa akutādile.”+ 12  Ebiya Yehova wanekenya bene Efiopya ku meso a Asa ne a Yuda, bene Efiopya nabo banyema.+ 13  Asa ne bantu baadi nabo bebalonda kufika ne ku Ngelala,+ kadi bene Efiopya badi bapona’nka kupona enka ne byokekwashelepo mobadi muntu nansha umo mūmi, mwanda basonsakanibwe na Yehova ne na kibumbo kyandi kya divita. Kupwa basela bitūtwa bivule mpata. 14  Ne kadi baonakanya bibundi byonso byadi bijokolokele Ngelala, mwanda kityino kya Yehova kyebaponēne; kadi batūta bibundi byonso mwanda mwadi bintu bingi bya kutūta. 15  Bakatamba’dyo ne mapema a boba badi na bimunanwa, bakwata mikōko ne bangamedia bangi bininge, kupwa bajokela ku Yelusalema.

Kunshi kwa Dyani

Kishima pa kishima i, “milango ibidi.”
Kangabo, divule kaselwanga na boba bela miketo.
Kishima pa kishima i, “kadi batonta buta bwa miketo.”
Kishima pa kishima i, “tweyalele kodi.”