Bene Kodinda Umbajinji 5:1-13

  • Mwanda umo wa busekese (1-5)

  • Kiyujo kityetye kitatulanga mukama onso (6-8)

  • Muntu mubi ufwaninwe kufundulwa (9-13)

5  Na bubine i biyukane amba mu bukata mwenu mudi busekese,*+ kadi i busekese* bumo kebutanwapo nansha mu mizo mwine—amba kudi muntu umo ushikete* na mukaja shandi.+  Lelo mwianyanga ne kwianya pa kino? Mwene mufwaninwe kudila madilo,+ mwanda wa muntu ulongele kino kintu atalulwe mu bukata mwenu?+  Nansha byonkidipo kwako mu ngitu, ino ngidi’ko mu mushipiditu, kadi natyibila kala mambo yao muntu ulongele kino, pamo bwa ami udi nenu.  Pomwibunga pamo mu dijina dya Mfumwetu Yesu, ne kuyuka’mba ami ngidi nenu mu mushipiditu pamo na bukomo bwa Mfumwetu Yesu,  mufwaninwe kupāna yao muntu kudi Satana+ mwanda wa konakanya ngitu, amba mushipiditu upandijibwe mu difuku dya Mfumwetu.+  Kwianya kwenu ke kuyampepo. Le kemuyukilepo amba kiyujo kityetye kitatulanga* mukama onso?+  Talulai kiyujo kya kala amba banwe mwikale mukama mupya, mwanda mwi bampikwa kiyujo. Mwanda na bubine Kidishitu, ketu kana ka mukōko+ ka Pashika, waelelwe bu kitapwa.+  Shi ke pano, tusobei masobo+ na mikate yampikwa kiyujo ya mutyima umo ne bubine, ke na kiyujo kya kalapo, nansha na kiyujo kya bubi ne mutyima mubi.  Mu wami mukanda nemulembēle muleke kupwana* na bantu ba busekese,* 10  ke kunenapo amba i kulekelela’tu kupwana na bantu ba busekese* ba ino ntanda+ nansha na bantu ba makomwa-meso nansha ba manyengenyenge nansha batōta bilezaleza. Shi byadi nankyo, longa mwadi ba kutamba mu ino ntanda.+ 11  Ino pano nemulembela muleke kupwana*+ na muntu ye-yense witwa bu mwanetu aye’ko wa busekese* nansha wa makomwa-meso+ nansha wa kutōta bilezaleza nansha wa kutukana* nansha nkolwankolwa+ nansha wa manyengenyenge,+ lekai ne kudya kwine na muntu wa uno muswelo. 12  Le kyontyibila bantu ba panja mambo i kika? Lelo kemutyibangapo mambo a boba ba munda, 13  aye Leza papo utyiba mambo a boba ba panja?+ “Fundulai muntu mubi mu bukata mwenu.”+

Kunshi kwa Dyani

Mu Kingidiki i, porneia. Tala Nshintulwilo ya Bishima.
Mu Kingidiki i, porneia. Tala Nshintulwilo ya Bishima.
Kishima pa kishima i, “udi.”
Nansha’mba “kiyujanga.”
Nansha’mba “muleke kusamba bulunda.”
Tala “Busekese” ku Nshintulwilo ya Bishima.
Tala “Busekese” ku Nshintulwilo ya Bishima.
Nansha’mba “muleke kusamba bulunda.”
Tala “Busekese” ku Nshintulwilo ya Bishima.
Nansha’mba “muntu wa muneneno mubi.”