Bene Kodinda Umbajinji 13:1-13

  • Buswe—dishinda ditabukile onso (1-13)

13  Shi nesamba mu ndimi ya bantu ne ya bamwikeulu ino kwikala na buswe mpika, nabya kendi ñengele ilenga lunwa nansha lubembo luvumakanya.  Kadi shi ngidi na kyabuntu kya bupolofeto kadi ngivwanije bifibwe bikola byonso ne buyuki bonso,+ kadi shi ngidi na lwitabijo lonso lutundulula* ngulu, ino kwikala na buswe mpika, nabya ami ne wa bitupu.*+  Kadi shi ngabe bintu byami byonso mwanda wa kudisha bakwetu,+ ne shi mpāne umbidi wami, mwanda wa kwitumbija, ino kwikala na buswe mpika,+ kekudipo kyonamwena’mo nansha kimo.  Buswe+ budi na kitūkijetyima*+ ne kanye.+ Buswe kebudipo na mukao.+ Kebwianyangapo, kebwitatulangapo,+  kebuloñangapo byampikwa kwendela’mo,*+ kebukimbangapo tumweno twa abo bwine,+ kebukelwangapo bulobo.+ Kebubalangapo bibi* bilongelwe.+  Kebusangelangapo bukondame,+ ino busangalanga pamo na bubine.  Butyumwinanga byonso mu manwi,+ bwitabijanga byonso,+ bukulupilanga byonso,+ būmininanga byonso.+  Buswe kebukankalwangapo. Ino shi kudi byabuntu bya bupolofeto, bikatalulwa’ko; shi kudi ndimi,* ikapwa; shi kudi buyuki, bukatalulwa’ko.  Mwanda tudi na buyuki bwa kipindi+ kadi tunenanga bupolofeto bwa kipindi, 10  ino pasa kwiya kyokya kituntulu, kyokya kya kipindi kikatalulwa’ko. 11  Ponadi mwanuke, nadi nesamba bwa mwanuke, nanga bwa mwanuke, mfwatakanya bwa mwanuke; ino pano pokendi mutame, kendi mutalule bya bwanuke. 12  Mwanda pano tumwene kivwidima* mu kiyo kya kyuma, ino kupwa tukamona biyampe pamo bwa batwe bemona mpala na mpala. Pano’ko ndyukile kipindi, ino kupwa nkayukidija senene,* monka mondyukilwe senene. 13  Inoko pano kubashala bino bisatu: lwitabijo, lukulupilo, buswe; ino kikatampe kutabuka pa bino’bi i buswe.+

Kunshi kwa Dyani

Nansha’mba “lutumbula.”
Nansha’mba “nkidipo na mvubu.”
Nansha’mba “butyumwinanga mu manwi.”
Nansha’mba “kebudipo na mutyima mūmu.”
Nansha’mba “bisansa.”
Ko kunena’mba, kwisamba ndimi ingi mu kingelengele.
Nansha’mba “na kafi.”
Nansha’mba “ne pa mfulo.”