Ñimbo ya Mitōto 83:1-18

  • Milombelo pa kutambwa na balwana

    • “A Leza, kokyuba nyā” (1)

    • Balwana pamo bwa pimbye winyenga (13)

    • Dijina dya Leza i Yehova (18)

Lwimbo lwa Asafa.+ 83  A Leza, kokyuba nyā;+Kokekala talala* nansha kutala bitupu, abe Leza.   Mwanda tala! balwana nobe baba batūta kyungwe;+Boba bakushikilwe abalonga bya kibengo.*   Na bukosoke bakutyila bantu bobe kitumba mu bufyafya;Bakutyila nkuku balēme* bobe.   Kebanena’mba: “Iyai, tutukije muzo wabo fututu,+Kutyina’mba dijina dya Isalela dyakavulukwa dikwabo.”   Abakale ñeni umbumo;*Abasamba kipwano kya* kulwa nobe+   Mapema a Edoma ne bene Ishemele, Moabu+ ne bene Hakala,+   Ngebale ne Amone+ ne Amaleke,Fidishitia+ pamo ne bekadi ba Tyila.+   Ashidia+ nandi welunga kobadi;Abakwasha* bana ba Lota.+ (Sela)   Wibalonge mowalongele Midyana,+Mowalongele Shisela ne Yabine ku kamunonga* ka Kishone.+ 10  Bebatukije fututu ku Ene-Dola;+Baikala ke mboleo ya nshi. 11  Longa ba bulēme babo pamo bwa Olebe ne Zebe+Ne bamfumu* babo pamo bwa Zeba ne Zalemuna,+  12  Mwanda banenene amba: “Tuyatei ntanda ikalanga’mo Leza.” 13  A Leza wami, wibalonge pamo bwa pimbye winyenga mu kimpumpu,+Pamo bwa kityakuku kipepuka na kivula. 14  Pamo bwa mudilo utēmeja ditó,Pamo bwa lubimbi lusōka ngulu,+  15  Nobe wibalondelonde na luvula lobe lwa malwa+Ne kwibazakaja na kimpumpu kyobe kya luvula.+ 16  Pūta* kafutululo pa mapala abo,Amba bakimbe dijina dyobe, abe Yehova. 17  Bafwijibwe bumvu ne kuzakajibwa nyeke;Bazobejibwe ne kufwa;  18  Bantu bayuke amba abe, wa dijina dya bu Yehova,+Abe bunka bobe wi Mwine wa Peulu Mwine pa ntanda yonso.+

Kunshi kwa Dyani

Nansha’mba “kwisamba mpika.”
Nansha’mba “abatulula mitwe yabo.”
Kishima pa kishima i, “bafībwe.”
Kishima pa kishima i, “Beipangula na mutyima pamo.”
Kishima pa kishima i, “Abeivwanika na mutyima.”
Kishima pa kishima i, “Abaikala ke kuboko kwa.”
Nansha’mba “kinekaneka.”
Nansha’mba “bendeji.”
Kishima pa kishima i, “Yuja.”