Ñimbo ya Mitōto 77:1-20

  • Milombelo mu kitatyi kya tusua

    • Kulangulukila pa mingilo ya Leza (11, 12)

    • ‘A Leza, i ani mukatampe bwa abe?’ (13)

Kudi mukulu wa bañomba; pa Yedutuna.* Lwimbo lwa Asafa.+ 77  Nkadidilanga Leza na diwi dyami;Nkadidilanga Leza, nandi ukangivwananga.+   Mu difuku dya tusua twami nkimbanga Yehova.+ Bufuku, maboko ami i molole kwadi pampikwa kukōka.* Ami nkibwanyapo* kusengibwa.   Pomvulukanga Leza, minzanga;+Ne muvutakanibwe kadi bukomo bwami bubampu.*+ (Sela)   Ubaunkankaja kupūta meso;Nalobe kadi nkibwanyapo kwisamba.   Milangwe yami ibajokela ku mafuku a kala,+Myaka ya kalakala kene.   Bufuku mvulukanga lwimbo lwami;*+Nangulukanga mu mutyima wami;+Nkimbanga* ne mikeketo.   Le Yehova uketwela nyeke?+ Le kaketutōkelwapo mutyima monka?+   Le buswe bwandi bwa ndamatyidile bubapu nyeke? Le mulao wandi ukekala wa bitupu ku nkongo yonso?   Lelo Leza wailwa kwitutōkelwa mutyima,+Nansha bulobo bwandi, le bubalengeja lusa lwandi lupwe? (Sela) 10  Le nene’nka kunena’mba: “Kino’ki kyo kindetela tusua:*+ Mwine wa Peulu Mwine washinta milangwe yandi* potudi”? 11  Nkavulukanga mingilo ya Yah;Nkavulukanga bilongwa byobe bya kwanwa bya tamba kala. 12  Kadi nkalangulukilanga pa mingilo yobeNe kulanga bilongwa byobe.+ 13  A Leza, mashinda obe i ajila. A Leza, i leza’ka mukatampe bwa abe?+ 14  Abe wi Leza wa bine, uloñanga bintu bya kwanwa.+ Usokwelanga bantu bukomo bobe.+ 15  Wakūdile* bantu bobe na bukomo* bobe,+Bana ba Yakoba ne ba Yosefa. (Sela) 16  A Leza, mema akumwene;Mema akumwene keazakala.+ Kadi mema malamala asankinte. 17  Makumbi apungulwile mema. Madiulu a makumbi akungwile,Kadi miketo yobe yaendele koku ne koku.+ 18  Diwi dya mikungulo+ yobe dyadi pamo bwa matonto a makalo;Mikejima ya mapeni obe yamunikile pa ntanda ikelwe na bantu.*+Ntanda yazakele ne kutenkana.+ 19  Dishinda dyobe dyadi mu dijiba,+Kashinda kobe mu mema mangimangi;Ino mayo obe keadipo efwatula. 20  Waendeje bantu bobe pamo bwa luombe,+Mu bwendeji* bwa Mosesa ne Alone.+

Kunshi kwa Dyani

Kishima pa kishima i, “kuswelela.”
Nansha’mba “Muya wami keubwanyapo.”
Kishima pa kishima i, “mushipiditu wami ubapungila.”
Nansha’mba “minjiki ya myonji.”
Kishima pa kishima i, “Mushipiditu wami ukimbanga.”
Nansha’mba “kinsabakanya.”
Kishima pa kishima i, “kuboko kwandi kwa lundyo.”
Kishima pa kishima i, “Wanyongolwele.”
Kishima pa kishima i, “kuboko.”
Nansha’mba “ntanda ipa bipa.”
Kishima pa kishima i, “Ku kuboko.”