Ñimbo ya Mitōto 58:1-11

  • Kudi Leza utyibila ntanda mambo

    • Milombelo ya kupa babi mfuto (6-8)

Kudi mukulu wa bañomba; pa “Kokamfikija ku Bonakani.” Lwimbo lwa Davida. Mikitame.* 58  Lelo mubwanya kwisamba myanda ya boloke shi mudi talala?+ Lelo mubwanya kutyiba mambo moolokele, banwe bana ba bantu?+   Inoko, yao mulanga bukondame mu mutyima wenu,+Kadi makasa enu asambakanya bya lūma pa ntanda.+   Babi basāsukanga* tamba pa kubutulwa;*I boneke, bambepai tamba kitatyi kyobabutulwa.   Bulembe bwabo budi pamo bwa bulembe bwa banyoka;+I ba bitwi pamo bwa ntambwa-ntanda* ujika kutwi kwandi.   Kakevwanapo diwi dya bankinda,Nansha bele nsanzo yabo na bwino namani.   A Leza, konkola meno mu kyakanwa kyabo! Tyumuna bibanga bya bano bantambo,* a Yehova!   Bajimine pamo bwa mema apita mulungu. Aye nandi akane buta bwandi bwa miketo ne kwibaponeja na miketo yandi.   Bekale pamo bwa nkalanyonga usunguluka paenda;Pamo bwa mwana wa mwana-mukaji mupulumune kamwene dyuba nansha dimo.   Kumeso kwa bisuku byobe kwivwana kyanga kya kayombo ka miba,Aye ukatukija kamusambo kabishi ne kamusambo katēma kene pamo, enka bwa mu luvula lwa kimpumpu.+ 10  Moloke ukasangala mwanda wamone kinongo;+Maulu andi akabomba mashi a mubi.+ 11  Penepo bantu bakanena’mba: “Bine mpalo ya moloke idi’ko.+ Bine Leza utyibanga mambo pa ntanda udi’ko.”+

Kunshi kwa Dyani

Nansha’mba “i boneke.”
Kishima pa kishima i, “tamba munda.”
Nansha’mba “ñando.”
Nansha’mba “bantambo bana ba manyenze.”