Enda ku bidi'mo

Enda ku kifunka

Batumoni ba Yehova

Tonga Ludimi Kiluba

 B1

Musapu wa mu Bible

MUMWEKELO

Yehova Leza i mufwaninwe kuludika. Muludikilo wandi i muyampe mpata. Mpango yandi itala ntanda ne bantu isa kufikidila.

Kupwa kwa 4026 Y.K.

“Nyoka” watatana lupusa lwa Yehova lwa kuludika ne muludikilo wandi. Yehova walaya kulupula “lutundu” nansha “lukunwa” lukasonsakanya mwenda mafuku nyoka, ke Satana kadi. (Ngalwilo 3:1-5, 15, kunshi kwa dyani) Ino, Yehova waleka bantu mu kitatyi kampanda beludike mu lupusa lwa nyoka.

1943 Y.K.

Yehova wasapwila Abalahama amba muntu umo wa mu bana bandi ukekala “lutundu” lwālailwe.—Ngalwilo 22:18.

Kupwa kwa 1070 Y.K.

Yehova wakulupija Mulopwe Davida, kupwa ke Solomone wandi mwana’mba luno “lutundu” lwālailwe lukatamba ku musuku wabo.—2 Samwele 7:12, 16; 1 Balopwe 9:3-5; Isaya 9:6, 7.

29 Y.M.

Yehova wayukanya Yesu bu “lutundu” lwālailwe, Mpyana mwine wa lupona lwa Davida.—Ngalatea 3:16; Luka 1:31-33; 3:21, 22.

 33 Y.M.

Satana, nyoka, wasanshija bityetye “lutundu” lwālailwe na kwipaija Yesu. Yehova wasangula Yesu na būmi bwa mūlu kadi waitabija bulēme bwa būmi bwandi bubwaninine, enka nenki waala kyalwilo kya kulekela bubi ne kya kupēla’po bana ba Adama būmi bwa nyeke.—Ngalwilo 3:15; Bilongwa 2:32-36; 1 Kodinda 15:21, 22.

Dya mu 1914 Y.M.

Yesu waela nyoka, Satana, pano pa ntanda, ne kumuleka’po mu kitatyi kityetye.—Kusokwelwa 12:7-9, 12.

Mafuku a kumeso

Yesu wakute Satana mu bula bwa myaka 1 000 kupwa wamonakanya, mu muneneno wa kyelekejo wasonsakanya mutwe wandi. Mpango mibajinji ya Yehova itala ntanda ne bantu ibafikidila ne dijina dyandi nadyo dibafundulwa mutonko, kadi muludikilo wandi nao ubabingijibwa.—Kusokwelwa 20:1-3, 10; 21:3, 4.