Enda ku bidi'mo

Batumoni ba Yehova

Tonga Ludimi Kiluba

Le Kusonga Bakaji Bavule I Kwitabijibwe?

Le Kusonga Bakaji Bavule I Kwitabijibwe?

Bilondolola Bible

Kudi kitatyi Leza kyaālekele bantu basonga bakaji bavule. (Ngalwilo 4:19; 16:1-4; 29:18-29) Inoko Leza kātūdile’kopo busongi bwa bakaji bavule. Wāpēle Adama mukaji umo kete.

Leza wāpele Yesu lupusa lwa kujokeja monka musoñanya wa mukaji umo umo. (Yoano 8:28) Pobāmwipangwile bitala busongi, Yesu wānenene amba: “Yewa wēbapangile tamba ku ngalwilo wēbalongele mwana-mulume ne mwana-mukaji ne kunena’mba: ‘O mwanda mwine mwana-mulume ukashiya shandi ne inandi kadi ukalamata wandi mukaji, penepo abo babidi bakekala ngitu imo.’”—Mateo 19:4, 5.

Mwanā bwanga umo wa Yesu wālembele kupityila ku bukomo bwa mushipiditu wa Leza amba: “Mwana-mulume ense ekale na wandi mukaji ne mwana-mukaji ense nandi ekale na wandi mulume.” (1 Kodinda 7:2) Bible unena kadi amba mwana-mulume ense musonge shi kapebwa mingilo ya pa bula mu kipwilo kya bene Kidishitu ufwaninwe kwikala “mulume wa mukaji umo.”—1 Temote 3:2, 12.