Enda ku bidi'mo

Batumoni ba Yehova

Tonga Ludimi Kiluba

Lelo Bible Wisambile pa Busongi bwa Bantu ba Ngitu Imo?

Lelo Bible Wisambile pa Busongi bwa Bantu ba Ngitu Imo?

Bilondolola Bible

Umpangi wetu ye wābadikile kutūla’ko bijila bitala pa busongi, kumeso kwa maludiki kutūla’ko byao. Mukanda umbajinji wa mu Bible witusapwila’mba: “Po pa mwanda’o mwana-mulume wakashila shandi ne inandi mwine, ukalamata kudi wandi mukaji, ino abo bonso babidi ke ngitu imo yonka.” (Ngalwilo 2:24) Kishima kya Kihebelu kitelelwe bu “mukaji,” mungya dibuku dimo dishintulula bishima bya mu Bible (Vine’s Expository Dictionary of Biblical Words) i muntu wa ngitu ya bumvu ya bwana-bukaji.” Yesu wābingije uno mwanda’mba kyokya kya kutwa pamo mu lupungu lwa busongi kifwaninwe kwikala ba “mwana-mulume ne mwana-mukaji.”—Mateo 19:4.

Nanshi, Leza wādi usaka busongi bwikale bwa nyeke, kijimba kikutyile ba mwana-mulume ne mwana-mukaji pamo. Bana-balume ne bana-bakaji bāpangilwe kwikwasha umo ku mukwabo mu malango ne kuvuija bisakibwa bya kusambakena pamo ne kubutula bana.