Enda ku bidi'mo

Batumoni ba Yehova

Tonga Ludimi Kiluba

Lelo Leza Ye Ufwaninwe Kulambikwa Masusu Otususuka?

Lelo Leza Ye Ufwaninwe Kulambikwa Masusu Otususuka?

Bilondolola Bible

Bible ulondolola patōkelela’mba aa! Yehova Leza kādipo usakila bantu basusuke. Inoko, ba mulume ne mukaji babajinji bāpelele kuludikwa na Leza, bātonga kwitūdila’ko abo bene misoñanya itala kiyampe ne kibi. Bāvundamīne kudi Leza, bāanza kususuka na bipa byālupukile’ko.

Dyalelo twimwenanga bipa bibi bilupukile ku butongi bwabo bubi. Inoko, ke Lezapo ulengeja masusu asusuka bantu.

Bible unena’mba: “Muntu nansha umo kakinena kitatyi kyatompibwa’mba: ‘Natompibwa na Leza.’ Mwanda Leza kabwanyapo kutompibwa na bintu bibi, nansha aye kutompa muntu.” (Yakoba 1:13) Masusu abwanya kufikila muntu ense—enka ne boba betabijibwe na Leza bene.