Enda ku bidi'mo

Batumoni ba Yehova

Tonga Ludimi Kiluba

Le Batumoni ba Yehova I Bene Kidishitu?

Le Batumoni ba Yehova I Bene Kidishitu?

En-en. Twi bene Kidishitu mwanda:

  • Twielelanga’ko kulonda senene bufundiji bwa Yesu Kidishitu ne kwiula ngikadila yandi.—1 Petelo 2:21.

  • Tukulupile amba i kupityila kudi Yesu kotukamwena lupandilo, mwanda “i kutupu dijina nansha dimo munshi mwa diulu dipelwe bantu motufwaninwe kupandila.”—Bilongwa 4:12.

  • Muntu pa kwikala Kamoni wa Yehova, ubatyijibwanga mu dijina dya Yesu.—Mateo 28:18, 19.

  • Tulombelanga mu dijina dya Yesu.—Yoano 15:16.

  • Tukulupile amba Yesu i Mutwe, nansha amba muntu upelwe lupusa pa bantu bonso.—1 Kodinda 11:3.

Inoko, twi beshile mu bintu bivule na bisumpi bikwabo bya bipwilo bitwa bu bya bene Kidishitu. Kimfwa, tukulupile amba, Bible ufundija’mba Yesu i Mwanā Leza, ke umopo wa mu busatu busantu. (Mako 12:29) Tukulupile amba muya ufwanga, kadi kekudipo Kisonekwa nansha kimo kinena amba Leza ususulanga bantu mu mudilo wa nyeke, nansha kinena’mba boba bendeja mingilo ya kipwilo bafwaninwe kwikala na bitenta bibazunzula panga pa bakwabo.—Musapudi 9:5; Ezekyele 18:4; Mateo 23:8-10.