Ku ba Banca

Mu Isileleze Kwa Mioya ye Maswe!

Litaelo: Mu ezeze lika ze latelela ze, mwa sibaka se si kuzize. Ha mu nze mu bala mañolo, mu nge kuli mu teñi ko ku ezahalela lika ze mu sweli ku bala. Mi mu eze inge kuli mwa bona ze sweli ku ezahala. Mu utwe manzwi a bulelwa. Mu ikutwe mo ba ikutwela batu ba ba mwa taba yeo. Mu ikutwe kuli ze mu bala li sweli za ezahala luli.

1 MU NYAKISISE ZE EZAHALA.—MU BALE GENESE 6:1-6 NI LIKEZO 19:11-20.

Mu taluse mo a bonahalela makwenyepa ha mu nze mu nahana ka za ponahalo ya ona.

Mu nahana kuli batu ne ba ikutwile cwañi hasamulaho wa ku katanana ni moya o maswe, sina mo ku taluselizwe kwa Likezo 19:13-16?

2 MU BATISISE KA BUTUNGI.

Ka ku itusisa liitusiso ze mu na ni zona za ku ezisa patisiso, mu batisise ka za makwenyepa. Mu nahana kuli ki kabakalañi ha naa na ni mifilifili cwalo?

Ki kamukwaufi wo mioya ye maswe ne i siile ‘libaka za yona ze swanela’? (Mu bale Juda 6.) Mu nahana kuli ki kabakalañi ha ne i li nto ye sa swaneli kamba mane bukwenuheli kuli mioya ye maswe i nyale basali?

Litaba ze peli ze mu sweli ku bala li mi bulelelañi ka za mo mioya ye maswe i ngela buhule ni mifilifili?

  3 MU SEBELISE ZE MU ITUTILE. MU ÑOLE LIKA ZE MU ITUTILE KA ZA . . .

Moya wa situhu ni wa buitati wa mioya ye maswe.

ZE ÑWI HAPE ZE LU KONA KU ITUTA.

Nihaike kuli mioya ye maswe ha i sa kona ku siya mibili ya yona ya moya, ki ka linzila lifi zeo i kona ku lika ku mi yaulula?

Ki mifuta ifi ya ku itabisa ka yona kacenu ye bonisa mikwa ya mioya ye maswe ni ze i tabela?

Mu kona ku bonisa cwañi kuli mu ikatulezi ku hanyeza kukuezo ya mioya ye maswe? (Mu bale hape Likezo 19:18, 19.)

4 KI KALULO MAÑI YA TABA YE, YE MI TUSIZE HAHULU, MI KI KABAKALAÑI?

Haiba ha mu na Bibele, mu kupe lipaki za Jehova kamba mu kalime