Mu ye kwa litaba za mwahali

Mu ye kwa litaba za mwahali

Ku Pepwa Sinca—Ki Kwa Butokwa Cwañi?

Ku Pepwa Sinca—Ki Kwa Butokwa Cwañi?

 Ku Pepwa Sinca—Ki Kwa Butokwa Cwañi?

MWA NGAMBOLO ya hae ni Nekudema, Jesu naa koñomekile kuli ku pepwa sinca ki kwa butokwa hahulu. Naa utwahalize hande cwañi sisupo seo?

Ha mu bone ka mo Jesu naa koñomekezi butokwa bwa ku pepwa sinca mwa ngambolo ya hae ni Nekudema. Naa talusize kuli: ‘Mutu haa sa pepwi sinca, haa koni ku bona mubuso wa Mulimu.’ (Joani 3:3) Manzwi a kuli “haa sa” ni “haa koni” a bonisa kuli ku pepwa sinca kwa tokwahala. Ka mutala, haiba mutu a bulela kuli: “Lizazi haa li sa benyi, ha ku na ku ba musihali,” fo u talusa kuli ku benya kwa lizazi kwa tokwahala hahulu ku li ku be musihali. Ka ku swana, Jesu naa talusize kuli ku pepwa sinca kwa tokwahala hahulu kuli mutu a bone Mubuso wa Mulimu.

Kuli a zwise kakanyo ifi kamba ifi ye ne i li teñi ka za taba yeo, Jesu naa talusize kuli: ‘Mu swanezi ku pepwa sinca.’ (Joani 3:7) Kacwalo ka ku ya ka Jesu, mutu u tokwa ku pepwa sinca kuli a ‘kene mwa mubuso wa Mulimu.’—Joani 3:5.

Bakeñisa kuli Jesu naa ngile taba ya ku pepwa sinca ku ba ya butokwa hahulu, Bakreste ba swanela ku bona teñi kuli ba utwisisa ka ku nepahala taba ye. Ka mutala, kana mu nahana kuli Mukreste wa kona ku iketela kuli a pepwe sinca?

[Manzwi a fa likepe 5]

“Lizazi haa li sa benyi, ha ku na ku ba musihali”